Udzień 10 lutaha na trasie kala vioski Valarjany, što va Uździenskim rajonie, adbyłosia žorstkaje DTZ.
Jak paviedamlajuć padpisčyki supołki «Salihorskija aŭtaamatary», sutyknulisia dva aŭtamabili. «Piežo» jechaŭ z boku Słucka z chutkaściu kala 130 km\h i vylecieŭ na sustrečnuju pałasu. Tam jon sutyknuŭsia z «Chondaj Cyvik».
Kiroŭca «Piežo» vylecieŭ praz łabavoje škło na darohu. Jon atrymaŭ ciažkija traŭmy, ale zastaŭsia žyvy, mužčynu zabrała chutkaja.
Kiroŭca «Chondy» zahinuŭ.
«Z «Chondy» nikoha nie ŭdałosia dastać, jon adrazu paśla ŭdaru ŭspychnuŭ, usiaredzinie jaho nieviadoma kolki było ludziej, usio achutana połymiem i dymam! Adbyłosia heta za paru chvilin da majho prajezdu tam. Akurat prajazdžali aŭtobusy ź dziećmi, ich supravadžali supracoŭniki DAI, tamu adrazu spynilisia na miescy. I byŭ lekar u kałonie aŭtobusaŭ, jaki adrazu pačaŭ akazvać dapamohu paciarpiełamu», — paviedamili vidavočcy.
