Žonka Pralaskoŭskaha ŭznačalvaje pravavy adździeł BiełTA — čym žyvie siamja byłoha hałoŭnaha ideołaha krainy
Na sudzie nad hałoŭnaj redaktarkaj Tut.by Marynaj Zołatavaj u jakaści śviedki vystupiła Halina Pralaskoŭskaja — žonka hałoŭnaha ideołaha krainy Aleha Pralaskoŭskaha. Vyśvietliłasia, što žančyna ŭznačalvaje pravavy adździeł u ahienctvie BiełTA.
U suviazi z hetym «Naša Niva» vyrašyła ŭzhadać i astatnich členaŭ siamji eks-čynoŭnika.
U svoj čas Aleh Pralaskoŭski ŭznačalvaŭ analityčny adździeł słužby biaśpieki Łukašenki, zatym — infarmahienctva BiełTA, a z 2003 pa 2007 hod zaniaŭ pasadu namieśnika kiraŭnika Administracyi prezidenta. Paśla byli kresły hałoŭnaha ideołaha krainy, dyrektara Infarmacyjna-analityčnaha centra i, narešcie, pasada ministra infarmacyi. Ale ŭ 2014 hodzie Pralaskoŭskaha źniali z pasady, i z taho času jon faktyčna źnik z radaraŭ.
Čym siońnia zajmajecca były čynoŭnik, dakładna nieviadoma. Chodziać čutki, što Pralaskoŭski viarnuŭsia na radzimu, u rasijski Sierhijeŭ Pasad. Nibyta 55-hadovy eks-ministr ciapier datyčny da handlovaj kampanii, jakaja zajmajecca pastaŭkami fruktaŭ.
Ale žonka i dźvie dački Pralaskoŭskaha zastalisia ŭ Biełarusi.
Starejšaj dačce Volzie Pralaskoŭskaj 32 hady.
U 2010 hodzie Volha skončyła fakultet mižkulturnych kamunikacyj Minskaha dziaržaŭnaha linhvistyčnaha univiersiteta, paśla Akademiju kiravańnia pa śpiecyjalnaści «Palityčnyja instytuty: pracesy i technałohii», dzie vyvučała vybarčyja technałohii i imidž palityčnaha lidara.
Ale dziaŭčyna bolš zapomniłasia nie jak Volha, a jak «Julijana» — pad takim psieŭdanimam Pralaskoŭskaja sprabavała pabudavać muzyčnuju karjeru, navat udzielničała ŭ pieradčy «Zorny dyližans», svojeasablivym biełaruskim anałahu «Fabryki zorak».
Volha zamužam, maje dvaich synoŭ. Jaje muž Valery Žyhunoŭ pracuje dyrektaram kampanii «MAZ-Taškient», aficyjnaha dystrybjutara MAZ va Uźbiekistanie.
Raniej Volha Pralaskoŭskaja pracavała ŭ Biełteleradyjokampanii. Ciapier miescam pracy ŭ jaje paznačany Infarmacyjna-analityčny centr, toj samy, jaki kaliści ŭznačalvaŭ jaje baćka.
Małodšaja dačka Inha taksama skončyła Minski linhvistyčny ŭniviersitet, vučyłasia zavočna.
Joj 30 hadoŭ. Ciapier jana kaleha svajoj maci, pracuje ŭ infarmahienctvie BiełTA. Zamužam z 2011 hoda, maje syna.
Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia38
Kamientary