Dobry dzień, źviartajucca da Vas rabotniki Połackaha dziaržaŭnaha vinarobnaha zavoda z prośbaj zachavać našu vytvorčaść i pracoŭnyja miescy.
Naša pradpryjemstva znachodzicca na likvidacyjnym pieryjadzie bolš za hod, kalektyŭ ŭsiaho zavoda papiaredžany ab likvidacyi zavoda i kantrakty z nami padaŭžajucca pamiesiačna, što praduhledžvaje zvalnieńnie rabotnikaŭ biez materyjalnaj kampiensacyi. Miascovyja ŭłady ŭ asobie mera horada tav. Šaŭčuka całkam nie zacikaŭlenyja ŭ zachavańni pradpryjemstva, pracoŭnych miescaŭ i kalektyvu, sustreča pradstaŭnikoŭ vykankama z kalektyvam zavoda ni pra što nie kazała i nasiła farmalny charaktar, nam było skazana ŭsio roŭna vas zakryjem, nam staršynia vykankama pa ekanomicy tav. Kaładynski skazaŭ, što abnadziejvać vas niama čym i rychtujciesia da zvalnieńnia. Adzinaje, što nam było prapanavana heta pieranavučańnie na traktarystaŭ i kucharaŭ, ale i z takimi prafiesijami ŭ horadzie niama raboty.
U našym horadzie ŭ apošni čas zakryty bolš za 15 pradpryjemstvaŭ, niadaŭna začyniŭsia kansiervavy zavod «Vićba» i ludzi zastalisia nie pracaŭładkavanyja, što kaža ŭ niezacikaŭlenaści miascovaj ułady ŭ raźvićci pracoŭnaj infrastruktury.
Kiraŭnictva zavoda prykładaje ŭsie namahańni dla vychadu pradpryjemstva ź situacyi, jakaja skłałasia, ale zapazyčanaść vielmi vialikaja, za što vinavatyja asoby ŭžo panieśli pakarańnie.
Naša pradpryjemstva na dadzienym etapie pracuje biasstratna, navat z prybytkam. Pradpryjemstva svoječasova apłačvaje padatki, apłačvaje vydatki na enierhanośbity i nabyvaje ŭsie nieabchodnyja dapamožnyja i raschodnyja materyjały. Zarabotnaja płata vypłačvajecca svoječasova, biez zatrymak. Na zavodzie asvojeny vypusk fruktova-jahadnych naturalnych vinaŭ mietadam haračaha raźlivańnia, ažyćciaŭlajecca raźlivańnie vinaŭ na čatyroch dziejučych linijach (raźlivańnie ŭ šklanuju butelku 0,7—0,5, u pakiety piur-pak abjomam 1,0 i 0,5 litra, raźlivańnie ŭ šklanki 0,25 litra). Dla vytvorčaści vina vykarystoŭvajucca tolki naturalnyja soki i nastoi ŭłasnaj vytvorčaści, syravina (jabłyki, travy) rastuć u našaj krainie. Na pradpryjemstvie pracuje svoj pryjomny punkt škłobutelki, asvojena vytvorčaść vyrabu ŭpakovačnaj tary. Abstalavańnie pradpryjemstvy, u tym liku i cech pierapracoŭki jabłykaŭ, znachodziacca całkam u technična pracoŭnym stanie.
Na našym pradpryjemstvie pracuje bolš za 70 čałaviek, mnohija ź jakich bolš za 30 hadoŭ. Kala 80% rabotnikaŭ pradpryjemstva va ŭzroście ad 45 hadoŭ i vyšej, jakim budzie prablematyčna znajści pracu ŭ našym horadzie i z takoj śpiecyjalizacyjaj, a va ŭsich siemji i dzieci. Na dapamohu ŭładaŭ horada ŭ pracaŭładkavańni nichto nie spadziajecca, tak jak u horadzie praktyčna niama pracy. U situacyi, jakaja skłałasia na pradpryjemstvie našaj viny niama, my hodna i sumlenna vykonvajem svaje abaviazki i zacikaŭleny ŭ dalejšaj pracy pradpryjemstva. Dla hetaha na pradpryjemstvie jość usio: vytvorčyja mahutnaści, abstalavańnie, śpiecyjalisty i vielizarnaje žadańnie pracavać. My vielmi spadziajemsia na dapamohu našamu zavodu ŭ praciahu pracoŭnaj dziejnaści, a my ŭ svaju čarhu vykonvać dobrasumlenna pracoŭnyja abaviazki. Zahadzia dziakuj!
