28 lutaha sud Žłobinskaha rajona vynies prysud eks-načalniku finansavaha ŭpraŭleńnia BMZ, a taksama pradstaŭniku kamiercyjnych struktur. Ich sudzili za davańnie i atrymańnie chabaru.
Mieniedžar pradstaŭlaŭ intaresy firmaŭ, jakija pastaŭlali vohnietryvałyja materyjały na zavod. Pierad imi ŭ pradpryjemstva miełasia kredytorskaja zapazyčanaść. Kab ź imi raźličylisia, u studzieni 2018-ha načalnik finupraŭleńnia zavoda damoviŭsia dapamahčy, ale za ŭznaharodžańnie ŭ pamiery 2% ad sumy pieravodu.
Paźniej jon davaŭ ukazańni padnačalenym zrabić płaciažy. Za što paśla atrymlivaŭ chabar ad mieniedžara, a zatym naŭprost ad kitajskich biznesmienaŭ.
Ahulnyja sumy chabaraŭ skłali amal 15 tysiač jeŭra i 19 tysiač dalaraŭ.
U vyniku jaho prysudzili da 7 hadoŭ kałonii ŭzmocnienaha režymu. Jamu taksama zabaroniena jašče piać hadoŭ zajmać niekatoryja pasady.
Mieniedžara sudzili za davańnie chabaru i saŭdzielnictva. Prysud — 3,5 hoda pazbaŭleńnia voli ŭ kałonii ŭzmocnienaha režymu.
