Navukoviec Vił Mirzajanaŭ, jaki zajmaŭsia daśledavańniem niervova-paralityčnaha rečyva «Navičok», raspavioŭ, čamu były pałkoŭnik HRU Siarhiej Skrypal i jaho dačka Julija nie zahinuli ad dziejańnia chimikatu. Pra heta jon napisaŭ na svajoj staroncy ŭ Facebook.
Miarkujučy pa schiemie fłakona, jakim karystalisia atrutniki, usiaredzinie jaho byŭ izalavany adsiek, u jakim znachodziłasia atrutnaje rečyva. Pa słovach Mirzajanava, złačyncu pierad raspyleńniem treba było pracisnuć centralnuju trubku praz hety izalavany adsiek i niekalki razoŭ patreści fłakončyk dla poŭnaha i chutkaha sintezu «Navička».
Mirzajanaŭ zrabiŭ vysnovu, što ŭ atrutnika, imavierna, nie było dastatkova času, kab pačakać, pakul reakcyja zavieršycca: jon drenna strasianuŭ fłakon, a tempieratura pavietra ŭ dzień zdareńnia była davoli nizkaj dla paśpiachovaj reakcyi. «Heta pryviało da stvareńnia ŭ fłakončyku na hety čas nizkaj kancentracyi «Navička». Takim čynam na dźviarnuju ručku była naniesienaja adnosna nizkaja, nieśmiarotnaja kancentracyja «Navička» i z hetaj pryčyny Skrypali nie zahinuli», — adznačyŭ jon.
-
Na abvinavačańni ŭ chłuśni Atlantic apublikavaŭ novyja skrynšoty z uradavaha čata ŭ Signal. Tramp adkazaŭ novymi abrazami ŭ adras hałoŭnaha redaktara
-
Zialenski spadziajecca, što ZŠA nie sastupiać patrabavańniam Rasii ab źniaćci sankcyj
-
Novaja apieracyja handlovaj vajny: Donald Tramp uvodzić 25-pracentnyja pošliny na impart aŭtamabilaŭ
Kamientary