Kryminalnyja spravy za atrymańnie chabaru zaviedzieny ŭ dačynieńni da dvuch inśpiektaraŭ DAI Minska, paviedamili auto.tut.by u Centralnym aparacie Śledčaha kamiteta Biełarusi.
Usiaho miesiac nazad sud Partyzanskaha rajona stalicy vynies prysud byłomu inśpiektaru DAI Minska za złoŭžyvańnie ŭładaj abo słužbovymi paŭnamoctvami, biaździejnaść słužbovaj asoby i atrymańnie chabaru. Jon atrymaŭ piać hadoŭ kałonii ŭzmocnienaha režymu z kanfiskacyjaj majomaści, štrafam i pazbaŭleńniem śpieczvańnia «kapitan milicyi». U sudzie mužčyna zajaviŭ, što «ŭmovy na słužbie prymusili jaho tak pastupić».
A praź niekatory čas krynicy paviedamili auto.tut.by, što pad śledstvam za atrymańnie chabaraŭ znachodziacca jašče niekalki maładych inśpiektaraŭ DAI.
— Viedaju, što ŭ dačynieńni da dvuch inśpiektaraŭ dakładna zaviali kryminalnyja spravy. Da hetaha jany hoda pa try ŭ DAI adpracavali, — raspaviała krynica. Usiaho ž, pavodle jaje infarmacyi, kryminalnyja spravy mahli być zaviedzienyja ŭ dačynieńni da piaci inśpiektaraŭ DAI.
Hetuju infarmacyju častkova paćvierdzili ŭ pres-słužbie Centralnaha aparata Śledčaha kamiteta Biełarusi.
— Supracoŭnikam DAI HUUS Minharvykankama inkryminujecca złačynstva pa č.2 art. 430 Kryminalnaha kodeksa RB. Pravodzicca rasśledavańnie, — paviedamiła aficyjny pradstaŭnik SK Julija Hančarova.
