Film «Zialonaja kniha»
Vyjdzie na ekrany pa-biełarusku akurat 8 sakavika.
Kali vy jašče nie paśpieli pahladzieć hety film, to ŭ vas źjaviłasia mahčymaść zrabić heta jašče i pa-biełarusku. Čamu varta na jaho schadzić? Napeŭna, dastatkova skazać, što «Zialonaja kniha» atrymała Oskar u naminacyi «Najlepšy film». A kali nie dastatkova, to možacie pačytać vodhuki (amal usie jany na vyšejšuju adznaku). Pačytać ich možna na Kinapošuku.
Padrabiaźniej pra siužet možacie daviedacca z našaj afišy.
Na «Oskary» nazvali najlepšy film hoda: heta «Zialonaja kniha»
«Zialonaja kniha»: natchnialnaje kino pra siabroŭstva i pra toje, što biez bolu źmianić śviet niemahčyma
A nabyć kvitki možna anłajn na sajtach silverscreen.by (kali žadajecie pahladzieć film u Silver Screen (Gallileo) i bycard.by/kino (heta kvitki na pakazy ŭ «Biełarusi»).
Ad siabie dadamo, što ŭ «Biełarusi» kvitki tańniejšyja (6.5 BYN suprać 10 BYN za adno miesca), ale ŭ Silver Screen ź dziaŭčynaj budzie kamfortniej. Tut možna ŭziać kvitok adrazu dla 2 čałaviek na kanapu za 24 BYN.
Kvitki: silverscreen.by, bycard.by/kino («Biełaruś»)
Dzie: Silver Screen (21:50), «Biełaruś» (20:50)
Košt: 6.50 — 24.00 BYN
2. Premjera «Kapitan Marveł»
Tranślavać hety film kinateatry pačnuć užo z 7 sakavika. A 8 sakavika jaho buduć pakazvać uvieś dzień amal va ŭsich kinateatrach Minska. Vielmi šmat sieansaŭ, tamu možna lohka znajści zručny dla vas čas.
Padrabiaźniej pra siužet, trejler, a taksama ŭvieś śpis kinateatraŭ i poŭny raskład vy možacie znajści ŭ našaj afišy.
Rekamiendacyja: samyja tannyja kvitki prapanuje ArtKinateatr u «Tytanie» (ad 5.50 BYN). I ŭmovy dla prahladu tam taksama na ŭzroŭni.
Kvitki: afisha.tut.by/film/kapitan-marvel
Dzie: amal usie kinateatry Minska
Kali: amal u luby zručny dla vas čas
Košt: 5.50 — 24.00 BYN
3. «Cudoŭny dom»: jubilejnaja prahrama ŭ Cyrku
Ciapier naš Biełdziaržcyrk pradstaŭlaje jubilejnuju prahramu «Cudoŭny dom». Kali vy jaje naviedajecie, to pabačycie dresiravanych miadźviedziaŭ na skiejtbordach i aŭtamabilach, dresiravanych marskich žyvioł i nasuch, razumnych koniej i šmat čaho inšaha.
Zapytajciesia ŭ svajoj dziaŭčyny, ci była jana choć adnojčy ŭ cyrku. Mahčyma, joj duža chaciełasia b? U takim vypadku padarunak joj zapomnicca nadoŭha.
Kvitki: afisha.nn.by/cudouny-dom
Dzie: Biełdziaržcyrk (praśpiekt Niezaležnaści, 32)
Kali: 15:00, 19:00
Košt: 14.00 — 77.00 BYN
4. Vystava hihanckich lichtaroŭ
Da kanca sakavika ŭ Bataničnym sadzie pracuje vystava hihanckich kitajskich lichtaroŭ. Ale my vam raim schadzić tudy mienavita 8 sakavika, bo heta duža ramantyčnaje miesca. Pahladzicie sami.
I nie niarvujciesia, kali vaša dziaŭčyna budzie časta prasić jaje sfatahrafavać. Heta całkam naturalna ŭ takoj abstanoŭcy. I vy joj padorycie, akramia jaskravych uražańniaŭ, jašče i kłasny kantent dla instahrama.
Pracuje vystava z 18:00 da 23:00. Ale arhanizatary rekamiendujuć jaje naviedvać z 19:00.
Kvitki: afisha.nn.by/vystava hihanckich lichtarou
Dzie: Centralny bataničny sad (vuł. Surhanava, 2v)
Kali: 18:00 — 23:00 (uvachod da 22:30)
Košt: 10.00 — 16.00 BYN
5. Vystava katoŭ
Kociki padabajucca ŭsim. Tamu, kali vy dumajecie, što z vyšejpieraličanaha vašaj dziaŭčynie ničoha nie spadabajecca, vystava katoŭ — dobry varyjant.
Na vystavie buduć katy samych roznych parod: vušastyja aryjentały, zabijackija korniš, brytanskija karatkašersnyja, raskošnyja piersy i mnohija inšyja.
Aproč taho, što taki varyjant vielmi miły, jon jašče i vielmi biudžetny. Kvitok kaštuje 5.50 BYN, a ŭ pieršuju i apošniuju hadzinu pracy vystavy — źnižka 15%.
Padrabiaźniej možna pračytać na Afišy NN.
Kvitki: na miescy abo na bezkassira.by
Dzie: HC «Stalica» (praśpiekt Niezaležnaści, 3-2)
Kali: 10:00 — 19:00
Košt: 5.00 — 5.50 BYN
