spektr.press
Hałoŭnym redaktaram papularnaha interniet-sajta «Mieduza» 11 sakavika 2019 hoda hałoŭnym redaktaram «Mieduzy» pryznačany Ivan Kałpakoŭ. Taćciana Jaršova, jakaja vykonvała abaviazki hałoŭnaha redaktara, stanie redakcyjnym dyrektaram.
Hiendyrektar «Mieduzy» Halina Cimčanka ŭ zvarocie da čytačoŭ napisała: «Rašeńnie ab adnaŭleńni Kałpakova na pasadzie hałoŭnaha redaktara było pryniata mnoj. Ivan z samaha pačatku byŭ ideołaham i lidaram vydańnia, my razam zrabili adno z samych čytelnych ŚMI ŭ Rasii. Ja nie viedaju inšaha prafiesijanała, jaki moh by lepš spravicca z novymi zadačami i vyklikami».
Cimčanka dadała, što viartańnie Ivana Kałpakova padtrymlivajuć kiraŭniki ŭsich padraździaleńniaŭ «Mieduzy», a redakcyja nie sumniavajecca ŭ jaho prafiesijnych jakaściach.
Ivan Kałpakoŭ padaŭ u adstaŭku 9 listapada, adstaŭka była źviazanaja z abvinavačvańniami, jakija vystaviła suprać jaho žonka adnaho z supracoŭnikaŭ vydańnia. Na pasiadžeńni rady dyrektaraŭ «Mieduzy» pierad hetym było pryniata rašeńnie ab tym, što Kałpakoŭ zastaniecca hałoŭnym redaktaram, ale jon vyrašyŭ syści.
