Takija dumki jana vykazała ŭ intervju telekanału «Biełaruś-24», adznačaje Tut.by.
Na dumku kiraŭnika CVK, refierendum u peŭnyja momanty nieabchodny, kab źniać niejki sprečny momant. Ź inšaha boku, heta pytańnie tradycyi. U Šviejcaryi heta tradycyja, jakaja prymianiajecca štohod, i nijakaj dramy nie adbyvajecca. U nas heta zaŭsiody źviazana ź niejkim losavyznačalnym vybaram i tamu ŭ nas luby refierendum abvastraje palityčnyja straści. Pytańnie možna vyciahnuć, pryniać rašeńnie, a dalej što z hetym rabić?
Historyja z Brexit — heta historyja biezadkaznaści tych palitykaŭ, jakija naohuł vyciahnuli hetaje pytańnie na narodnaje abmierkavańnie. Tut nie moža być stopracentnaj iściny, heta pavinna było być palityčnaje rašeńnie.
Na dumku Jarmošynaj, u biełaruskaj Kanstytucyi treba sychodzić ad praviła, što amal usie raździeły možna źmianiać tolki refierendumam.
— Ciapier i treba niešta madernizavać ŭ Kanstytucyi, kaža kiraŭnik dziaržavy, ale pasprabuj praviadzi refierendum, pasprabuj začapi Kanstytucyju. Nastupstvy mohuć być samymi niečakanymi i vielmi składanymi. Tamu prymianiać [refierendum] treba, ale, napeŭna, u jakaści kansultacyi, a dalej pavinien prymać rašeńnie niejki paŭnamocny orhan.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary