Mitynh-kancert u Minsku, Škoła BNR i astatnija ŭračystaści da Dnia Voli ŭ Biełarusi i śviecie siońnia i zaŭtra RASKŁAD
Učora prajšło maštabnaje śviatkavańnie Dnia Voli ŭ Hrodnie. Ale zastałosia šmat cikavych imprezaŭ
«Hrodna — heta hodna». Tysiačy ludziej pabyvali na Dni Voli kala Kałožy VIDEA, FOTY
Hałoŭnym śviatkavańniem siońnia stanie mitynh-kancert u Kijeŭskim skviery ŭ Minsku 24 sakavika
24 sakavika projdzie mitynh-kancert u Minsku — u Kijeŭskim skviery: zbor ad 12-j, pačatak kancertu a 13-j. Arhanizatarami — palityčnyja partyi. Dla hetaha abjadnalisia chryścijanskija demakraty, sacyjał-demakraty, libierały z Abjadnanaj hramadzianskaj partyi i libieralna-nacyjanalny Ruch za svabodu.
Zapłanavanyja vystupy hurtoŭ N.R.M., KaS, «Raźbitaje serca pacana», «Niachaj», «Vodar» i «Daj darohu».
«Škoła BNR» u kaviarni «Hraj» 24 sakavika
24 sakavika ŭ kaviarni «Hraj» (vuł. Internacyjanalnaja, 33) projdzie adukacyjna-kulturnaja impreza «Škoła BNR», prymierkavanaja da ŭhodkaŭ utvareńnia Biełaruskaj Narodnaj Respubliki.
Uvachod biaspłatny, ale treba zarehistravacca.
Prahrama:
15:00 Urok pieršy: lekcyja Siarhieja Chareŭskaha «Virtualny špacyr pa adrasach BNR»
16:30 Urok druhi: lekcyja Andusia Unučaka «Našaniŭskaje adradžeńnie - padmurak BNR»
18:00 Urok treci: lekcyja Uładzimira Lachoŭskaha «Simvały BNR»
19:00 Urok muzyki: vystup NAKA, MUTNAJEVOKA,:B:N:
Padčas imprezy buduć adbyvacca ŭroki malavańnia. Ilustratarka Lizavieta Hančarova navučyć vas malavać Pahoniu — nacyjanalny simvał Biełarusi.
Mierapryjemstva biaspłatnaje, tamu finansava padtrymać imprezu možna praz kraŭdfandynh.
Śviatočny kancert Źmitra Vajciuškieviča ŭ Viciebsku 24.03
24 sakavika ŭ Viciebsku, u art-pabie «Torvald» (Tałstoha, 1) projdzie śviatočny kancert Źmitra Vajciuškieviča. Padrabiaźniej tut.
Śviatočnyja mierapryjemstvy ŭ Mahilovie 24.03
24 sakavika ŭ Mahilovie projdzie śviatočnaje mierapryjemstva ŭ zali pasiedžańniaŭ haścinicy «Hubiernskaja». Padrabiaźniej tut.
Uračystaści ŭ Biełastoku 24.03
24 sakavika ŭ Biełastoku projduć uračystyja mierapryjemstvy. Padrabiaźniej tut.
Dzień Voli na Majdanie 24.03
24 sakavika Biełaruski centar «Siabry», taktyčnaja hrupa «Biełaruś» i mižnarodny fond «Vałoška» adznačać Dzień Voli ŭ centry Kijeva, na Majdanie Niezaležnaści. Pra namier pravieści akcyju arhanizatary paviedamili kijeŭskim uładam: zhodna z zakanadaŭstvam, dla masavych zachadaŭ tut nie patrebny admysłovy dazvoł. Atrymaŭšy zajaŭku, meryja musić zabiaśpiečyć hramadzki paradak.
Śviatkavańnie ŭ ZŠA (Ńju-Jork) 24.03
24 sakavika ŭ ńju-jorkskim rajonie Bruklin (401 Atlantis Av.) Biełaruska-Amerykanskaje zadzinočańnie ładzić šerah imprezaŭ u honar 101-j hadaviny abviaščeńnia niezaležnaści BNR. Pačatak a 12.30 pavodle miascovaha času.
Śviatkavańnie ŭ ZŠA (Majami) 24.03
24 sakavika projduć uračystaści ŭ Majami. Prahrama śviatočnaha mierapryjemstva tut.
Śviatkavańnie ŭ ZŠA (Ńju-Džersi) 24.03
24 sakavika ŭ Ńju-Džersi adznačać Dzień Voli. Padrabiaźniej tut.
Śviata Dnia Voli ŭ Kanadzie 24.03
24 sakavika ŭ Taronta adznačać Dzień Voli. U prahramie — śviatočnaja impreza, histaryčnaja viktaryna, pačastunki. Padrabiaźniej tut.
Malitva na mahiłach prezidentaŭ BNR u Prazie 24.03
U niadzielu 24 sakavika ŭ biełaruskim hreka-katalickim dušpastyrstvie Dabravieščańnia Najśviaciejšaj Baharodzicy u Prazie adbudziecca nabaženstva.
A 10-j hadzinie ŭ carkvie Śviatych Kuźmy i Dziamjana (Vyšehradská 49, Praha 2, uvachod z vulicy Na Slovanech) projdzie Boskaja liturhija — malebien za Baćkaŭščynu i Biełaruski narod. Słužyćmie a. Andrej Abłamiejka.
Apoŭdni budzie malitva na pražskich Alšanskich mohiłkach, dzie pachavanyja dva prezidenty Biełaruskaj Narodnaj Respubliki — Piotra Kračeŭski (pamior u 1928 hodzie) i Vasil Zacharka (u 1943). Abodva pa čarzie pierachoŭvali ŭ emihracyi mandat pieršaha niezaležnaha biełaruskaha ŭrada.
Z kvietkami da domu BNR u Minsku 25 sakavika
Uviečary 25 sakavika šerah apazicyjnych palitykaŭ, siarod jakich Mikałaj Kazłoŭ, Vital Rymašeŭski, Ihar Barysaŭ, źbirajucca prajści ad Kastryčnickaj płoščy da doma na vulicy Vaładarskaha (byłaja Sierpuchaŭskaja), 9, dzie 25 sakavika 1918 hodu była abvieščana niezaležnaść BNR.
Adukacyjnaja viečaryna ŭ honar 101-ch uhodkaŭ stvareńnia BNR 25.03
25 sakavika ŭ Minsku — adukacyjnaja viečaryna dla dzietak u honar 101-ch uhodkaŭ stvareńnia BNR ad adukacyjnaha centra «Kročym razam!». Padrabiaznaści tut.
Akcyja «Vialiki supolny salut» 25.03
25 sakavika, 21.00, luby punkt Ziamli. Prapanoŭvajecca samastojna nabyvać i zapuskać śviatočnyja fiejervierki adnačasova 25 sakavika a 21-j hadzinie pa biełaruskim časie, a zatym dzialicca fotazdymkami i ŭražańniami ŭ sacyjalnych sietkach z chešteham #BNR101. Padrabiaźniej tut.
Akcyja «Naš ściah» 25.03
25 sakavika, uvieś dzień, luby punkt Ziamli. Prapanoŭvajecca vyviešvać bieł-čyrvona-biełyja ściahi na haŭbcach, u voknach, svaich aŭto, ofisach, dvarach pryvatnych damoŭ i lubych inšych miescach, a taksama raspaviadać historyi ŭłasnych bieł-čyrvona-biełych ściahoŭ u svaich sacyjalnych sietkach z chešteham #NašŚciah. Padrabiaźniej tut.
Nabaženstvy za Biełaruś u Budsłavie 24—25.03
24—25 sakavika ŭ Budsłaŭskim kaściole buduć malicca za Biełaruś. Raskład nabaženstvaŭ tut.
Mastackaja vystava ŭ Babrach (Krupski rajon) 25.03
Dva dziasiatki hadoŭ u rodnym miastečku Bobr Krupskaha rajonu ładzić akcyi na Dzień Voli mastak Aleś Puškin. Hetym razam 25 sakavika na centralnym placy jon arhanizuje vystavu apošnich pracaŭ — buduć prezentavanyja partrety Stanisłava Bułak-Bałachoviča i Vacłava Łastoŭskaha.
«Maja kancepcyja takaja: kožny aktyvist — krajaznaŭca, litaratar, pasijanar — musić niešta zładzić u centry svaich Krupak, Kojdanava ci Marjinaj Horki. Vychodźcie, stavajcie, abirajcie jakuju-chacia formu — kancert, čytańnie vieršaŭ, karmleńnie hałuboŭ. Heta i budzie ŭniosak u adznačeńnie 101-j hadaviny našaj dziaržaŭnaści. Niekalki hadzin pryśviacić, kab minaki bačyli, što jość takoje śviata. Maje adnaviaskoŭcy ŭžo pryzvyčailisia da štohadovych vystavaŭ pad adkrytym niebam».
Supolny zabieh biełarusaŭ pa ŭsim śviecie
4 sakavika startavała rehistracyja na «Volny zabieh — 2019», jaki abjadnoŭvaje biełarusaŭ śvietu z nahody śviatkavańnia BNR-101. Arhanizatary spadziajucca, što sioleta ahulnymi namahańniami ŭdasca skaryć 1000 kiłamietraŭ.
Pieršy «Volny zabieh» adbyŭsia letaś: jon abjadnaŭ 104 udzielnikaŭ z 16 krain, razam jany prabiehli 669 kiłamietraŭ.
Kab uziać udzieł u «Volnym zabiehu», treba zarehistravacca na sajcie runbnr.org, prabiehčy «volnuju dystancyju» dy padzialicca ŭ sacyjalnych sietkach fatazdymkam — ź bieł-čyrvona-biełym ściaham abo hierbam «Pahonia» i paznakaju #belarus101run.
Asnoŭnym dniom vyznačanaja niadziela 24 sakavika — čakajecca, što mienavita ŭ hety dzień da akcyi dałučycca najbolš biehunoŭ. Infarmacyja pra hieahrafiju i adolenuju dystancyju źjavicca niepasredna ŭ dzień abviaščeńnia niezaležnaści BNR 25 sakavika.
«Dzień Voli kala mora» 25.03
101-ju hadavinu abviaščeńnia niezaležnaści BNR źbirajucca adznačyć u izrailskim horadzie Ašdod na bierazie Mižziemnaha mora. 25 sakavika a 19-j hadzinie hramada ŭskładzie kvietki da pomnika Janku Kupału na skryžavańni vulic Rotšyld i Mota Hur.
Hetaje miesca stanovicca tradycyjnym adrasam śviatkavańnia — impreza budzie ładzicca ŭžo treci raz. Udzielniki supolna praśpiavajuć patryjatyčnyja pieśni i pradeklamujuć vieršy.
Ambasada Biełarusi ŭ Tel-Avivie nia vyjaviła imknieńnia padtrymać Dzień Voli, usio robicca na entuzijaźmie aktyvistaŭ. 9 sakavika, u dzień abviaščeńnia II Ustaŭnoj Hramaty BNR, inicyjatary akcyi zładzili «małuju akcyju» ź bieł-čyrvona-biełym ściaham kala Ściany Płaču ŭ Jerusalimie.
Siabroŭskaja sustreča ŭ bary ŭ Varšavie 25.03
25 sakavika zaprašajuć na śviatočnuju siabroŭskuju sustreču biełarusaŭ u bary PiwPaw Foksal u Varšavie. Padrabiaźniej tut.
-
«Ličyŭ, što tak dapamahu ŭkraincam». 18-hadovy eks-palitviazień Kiryła Bałachonaŭ raskazvaje, jak zmahaŭsia z rasijskim našeściem praz TikTok i Telegram
-
Aŭtaru miema pra «samyja sučasnyja trafiki» znajšli novuju pasadu
-
«Da banka jość pytańni». Biełarus pravieryŭ układ, adkryty 17 hadoŭ tamu na dzicia, — što pajšło nie tak?
Ciapier čytajuć
Biełarus zdymaje videa, jak kradzie adzieńnie i padroblivaje dakumienty ŭ Polščy. A jak zapachła smažanym, to kaža: usio dziela łajkaŭ1
Biełarus zdymaje videa, jak kradzie adzieńnie i padroblivaje dakumienty ŭ Polščy. A jak zapachła smažanym, to kaža: usio dziela łajkaŭ
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1919
Kamientary