«Pošłaść i chamstva»: Mininfa adklikała z kijoskaŭ numar «BiełHaziety»
U hazietnych šapikach niama apošniaha numara «BiełHaziety». Numar adklikali pa rekamiendacyi Ministerstva infarmacyi. U numary byli źmieščanyja, u tym liku, humareski na temy karoŭ.
Jak patłumačyŭ ministr infarmacyi Alaksandr Karlukievič, «BiełHazieta» nikudy nie źnikła. Prosta ministerstva rekamiendavała «Biełsajuzdruku» abmiežavać raspaŭsiudžvańnie jaje novaha numara.
«Ministerstva infarmacyi, jak rehulatar haliny, zabiaśpiečvajučy biezumoŭnaje vykanańnie zakanadaŭstva, imkniecca zajmać maksimalna kanstruktyŭnuju pazicyju ŭ dačynieńni da dziejnaści ŭsich subjektaŭ infarmacyjnaha pola Biełarusi, — havorycca ŭ zajavie ministra. — Razam z tym, źjaŭlajecca niedapuščalnym, kali asobnyja ŚMI ci internet-resursy, naŭmysna hipierbalizujučy krytyčnyja pasyły, skočvajucca ŭ adkrytuju pošłaść i chamstva. Padobnaja źjava, na žal, stanovicca sistemnaj dla «BiełHaziety», — adznačyŭ ministr.
Jak raskazaŭ «Našaj Nivie» hałoŭny redaktar vydańnia Kirył Žyvałovič, 2 krasavika jon pabyvaŭ u Ministerstvie infarmacyi i mieŭ razmovu ź ministram. Žyvałovič admoviŭsia kankretyzavać, da jakich artykułaŭ u ministerstva jość pretenzii, tolki adznačyŭ, što takich materyjałaŭ niekalki.
Padpisčykam numar pastupiŭ, jon jość taksama ŭ prodažy ŭ redakcyi «Biełhaziety» i ŭ pryvatnych raspaŭsiudnikaŭ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Čamu Cichanoŭskaja nie pajechała na pachavańnie Papy?19
Kamientary