Pres-sakratar Pravasłaŭnaj carkvy pra znos kryžoŭ u Kurapatach: Djabły vielmi bajacca znaku Kryža Haspodniaha

Va ŭročyščy Kurapaty, na miescy masavych represij siońnia źnieśli 70 kryžoŭ. A jak prachodzić Kryžapakłonny tydzień u vašaj krainie?

«Što adbyvajecca?» — mnohich chvalavała hetaje pytańnie, i pavieryć u realnaść taho, što adbyvajecca, było ciažka. Pres-sakratarka prezidenta paźniej patłumačyła: «Čytajcie prezidenta!.. kiraŭnik dziaržavy abiacaŭ, što ŭ Kurapatach budzie naviedzieny paradak, daručeńnie zaniacca hetym było dadziena adpaviednym viedamstvam. Heta miesca treba dobraŭparadkavać». Abaviazkova padtrymlivaju prezidenta: treba navieści paradak u Kurapatach! Ale voś mietady miascovych dziaržymord i pryšybiejevych — nie padtrymlivaju.

Pa stratehii taksama jość pytańni, i samaje hałoŭnaje: «Jakaja jana, hetaja stratehija?». Daj Boh, kab potym, zirnuŭšy na vynik dobraŭparadkavańnia, my skazali «Vaŭ!» — kštałtu, jak kaža moj siabar-mastak, «durniam pałovu pracy nie pakazvajuć»…

A jašče mianie sprabavaŭ supakoić adzin dobry čałaviek: maŭlaŭ, kryžy ŭstalavanyja byli biez uzhadnieńniaŭ apazicyjanierami, da taho ž jašče i pratestantami. Aha, voś jano što…

Apazicyja, jakaja paradkuje pomniki kultury, a nie buduje barykady, i zaklikaje zapalić paminalnyja śviečki na mohiłkach, a nie šyny na płoščy… Karaciej, u našaj ułady pavinna być šmat zajzdrośnikaŭ. Niekatoryja b kiraŭniki ŭ takoj situacyi z radaściu b sami biarvieńnie padvozili i adkryvali b usie novyja i novyja miescy masavych pachavańniaŭ…

I piacidziasiatniki, jakija nie curajucca kryžoŭ, a sami ŭstaloŭvajuć kryžy i, jak spaviedniki, cierpiać za heta… Niby naziraješ relihijnuju evalucyju ŭ realnym časie! Kali ŭ vašaj carkvie nie šanujuć kryž, značyć, jana prosta źjaviłasia pazaŭčora, nijak nie ŭkaraniona ŭ historyi, dy i prosta pakul što jaho nie zasłužyła — mahčyma, u jaje jašče ŭsio napieradzie…

Cikava, a na Hrabarcy — usie kryžy ŭzhodnieny z uładami ci jość paračka niaŭzhodnienych? Echchch.

Siabry! Zaścierahajcie svajo serca ad zła. Šanavać Kryž — heta nie prosta złučyć adnu pałku ź inšaj. I, tym bolš, nie prosta nienavidzieć tych, chto aśmielicca raźjadnać hetyja pałki. Heta značyć ukryžavacca razam z Chrystom i paŭstać ź miortvych razam ź Im. Jak Jon: «Zrazumieć i daravać». Ci prosta adrazu daravać — bo naŭrad ci zrazumieješ niekatoryja rečy ŭ niekatoryja vypadkach…

I pamiatajcie: «Djabły vielmi bajacca znaku Kryža Haspodniaha, bo na im Zbaŭca vykryŭ i vystaviŭ ich na hańbu». Choć spačatku demany dumali, što heta jany vystavili Hospada…

• 0
• 0
• 0
• 0
• 0
• 0
• 0
• 0