Premjer-ministr Vialikabrytanii Tereza Mej u liście kiraŭniku Jeŭrapiejskaj rady Donaldu Tusku paprasiła adterminoŭki vychadu krainy ź Jeŭrasajuza da 30 červienia.
U liście tłumačycca, što i ŭrad, i parłamient Vialikabrytanii vystupajuć suprać vychadu ź ES biez pahadnieńnia, adnak pakul nie pryjšli da kansiensusu z nahody umoŭ «Brekzita». Biez adterminoŭki ža Vialikabrytanija pavinna budzie pakinuć ES biez pahadnieńnia ŭžo 12 krasavika.
Mej taksama zajaviła, što pasprabuje damovicca z parłamientam da 23 maja, kab Vialikabrytanija nie ŭdzielničała ŭ vybarach u Jeŭraparłamient, adnak u advarotnym vypadku hatovaja pravieści vybary.
Pa dadzienych The Guardian, Tusk, u svaju čarhu, maje namier prapanavać lidaram krain ES dać uradu Vialikabrytanii hod na ratyfikacyju pahadnieńnia ab «Brekzicie» ŭ parłamiencie — da 10 krasavika 2020 hoda. Kali ździełka budzie ŭchvalena raniej, to «Brekzit» adbudziecca daterminova.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)