Biełaruś piśmova apaviaściła kampaniju «Tranśniefć», što płanuje pavysić taryfy na tranzit nafty na 23%. Pra heta žurnalistam paviedamiŭ prezident kampanii Mikałaj Tokaraŭ, paviedamlaje RBK.
Pavodle jaho słoŭ, prapanova pavialičyć taryf na prapampoŭku praz trubapravod «Družba» — zvyčajnaja pracedura.
«U nas jość mietodyka, uzhadniajecca taryf, i ciapier placoŭka pieramovaŭ pra heta budzie va ŭradzie», — skazaŭ Tokaraŭ.
Pavyšeńnie na 23% — heta pieramoŭnaja pazicyja Minska, i «davoli sprečnaja», adznačyŭ jon.
Pavysić taryf na prapampoŭku pa svaim učastku naftapravoda «Družba» Biełaruś maje namier z 1 maja, patłumačyŭ žurnalistam daradca kiraŭnika «Tranśniefci» Ihar Dziomin. Pavodle jaho słoŭ, takaja prapanova była zroblena sa spasyłkaj na ekałahičnuju situacyju ŭ Biełarusi.
«Jany chočuć palepšyć ekałohiju za košt trubapravodnaha transpartu. Kali my nie pahadžajemsia z takim pavieličeńniem, jany źviartajucca ŭ antymanapolnaje viedamstva. FAS Rasii i Biełarusi pavinny pravieści hetyja pieramovy i damovicca ab pavyšeńni pa formule», — adznačyŭ Dziomin.
