Беларусь пісьмова апавясціла кампанію «Транснефць», што плануе павысіць тарыфы на транзіт нафты на 23%. Пра гэта журналістам паведаміў прэзідэнт кампаніі Мікалай Токараў, паведамляе РБК.
Паводле яго слоў, прапанова павялічыць тарыф на прапампоўку праз трубаправод «Дружба» — звычайная працэдура.
«У нас ёсць методыка, узгадняецца тарыф, і цяпер пляцоўка перамоваў пра гэта будзе ва ўрадзе», — сказаў Токараў.
Павышэнне на 23% — гэта перамоўная пазіцыя Мінска, і «даволі спрэчная», адзначыў ён.
Павысіць тарыф на прапампоўку па сваім участку нафтаправода «Дружба» Беларусь мае намер з 1 мая, патлумачыў журналістам дарадца кіраўніка «Транснефці» Ігар Дзёмін. Паводле яго слоў, такая прапанова была зроблена са спасылкай на экалагічную сітуацыю ў Беларусі.
«Яны хочуць палепшыць экалогію за кошт трубаправоднага транспарту. Калі мы не пагаджаемся з такім павелічэннем, яны звяртаюцца ў антыманапольнае ведамства. ФАС Расіі і Беларусі павінны правесці гэтыя перамовы і дамовіцца аб павышэнні па формуле», — адзначыў Дзёмін.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома6
Каментары