Supracoŭniki ŭpraŭleńnia pa narkakantroli i supraćdziejańni handlu ludźmi UUS Homielskaha abłvykankama zatrymali hrupu roźničnych kurjeraŭ internet-kramy pa prodažy narkotykaŭ z šaści čałaviek.
Samy starejšy — 1998 hoda naradžeńnia. Astatnija piaciora — niepaŭnaletnija. Zatrymanyja dvoje 16-hadovych i troje 17-hadovych padletkaŭ. Heta navučency prafliceja i kaledžaŭ Homiela, pryčym čaćviora sistematyčna spažyvali narkotyki. Ich starejšy tavaryš nidzie aficyjna nie pracaŭładkavany.
Hatovyja da prodažu psichatropy kampanija zachoŭvała pa miescy žycharstva adnaho z padletkaŭ u vioscy Pakalubičy Homielskaha rajona. U chlavie kala doma apieratyŭniki znajšli 28 palimiernych skrutkaŭ, elektronnyja šali, reśpiratary i ŭpakovačny materyjał dla fasoŭki narkotykaŭ. Jašče adna doza hetaha ž psichatropu była vyjaŭlenaja pry asabistym vobšuku adnaho z padletkaŭ.
Raspačatyja kryminalnyja spravy pa častkach 1 i 3 artykuła 328 Kryminalnaha kodeksa (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ).
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary