25‑hadovy forvard barysaŭskaha futbolnaha kłuba BATE Vital Radzivonaŭ pierajšoŭ u kłub druhoj niamieckaj bundeślihi «Frajburh».
Paŭhadavy arendny kantrakt z pravam vykupu padpisany 10 studzienia, paviedamiła pres‑słužba BATE. U toj ža dzień hulec nakiravaŭsia ŭ Ispaniju, dzie da 16 studzienia jaho novy kłub pravodzić zbor.
«My zmahli ŭziać u arendu maładoha napadajučaha, jaki ŭžo zabiŭ niemałuju kolkaść miačoŭ. My vielmi rady, što kantrakt adbyŭsia i hulec tut ža apynuŭsia ŭ našym rasparadžeńni», — cytuje spartyŭnaha dyrektara «Frajburha» Dzirka Dufniera aficyjny sajt niamieckaha kłuba.
U minułym siezonie V.Radzivonaŭ byŭ pryznany najlepšym hulcom i najlepšym napadajučym biełaruskaha čempijanatu, a ŭ sprečcy bambardziraŭ jon padzialiŭ pieršaje miesca sa svaim adnakłubnikam Hienadziem Bliźniukom (u abodvuch pa 16 miačoŭ).
Paśla pieršaha kruha «Frajburh» z 30 ačkami zajmaje treciaje miesca ŭ tablicy.Pieršuju ŭ novym hodzie hulniu kamanda praviadzie 1 lutaha ŭ haściach suprać kłuba «Miunchien‑1860», jaki na 11‑m miescy.
0
0
0
0
0
0