Ruch pa dvuch ramantavanych puciepravodach na MKAD adkryjecca 1 maja. Ab hetym BiełTA paviedamiŭ hałoŭny inžynier pradpryjemstva «Hardarbud» Vasil Cibiež.
«Da 1 maja my pavinny adkryć ruch pa dvuch puciepravodaŭ na 3-m i 25-m km MKAD. Asfalt ŭžo vykładzieny, raźmietka naniesienaja. Zaraz zakančvajem raboty pa barjernaj aharodžy na padychodach da puciepravoda i pravodzim vyprabavańni dla atrymańnia techničnaj spravazdačy ad BiełdarNDI pra hatoŭnaść da pusku tranzitnaha ruchu», - adznačyŭ Vasil Cibiež.
Paśla Jeŭrapiejskich hulniaŭ płanujecca prystupić da ramontu «lustranoj» častki puciepravodaŭ: kali ciapier adramantavali 3-ci km ŭnutranaha kalca i 25-y km vonkavaha, to ŭletku raboty pačnucca adpaviedna na źniešnim i ŭnutranym kalcy. «Hardarbud» znoŭ vykanaje demantaž belek pralotnaha zbudavańnia, razborku manalitnych bietonnych učastkaŭ, razborku staroha asfaltabietonu, a zatym i mantaž novych kanstrukcyj.
«Kab pracavać na druhich pałovach šlachu, my pavinny začynić tam ruch i arhanizavać jaho pa adramantavanych učastkach. My krychu pavialičyli šyryniu pałos i raspracavali schiemu «2+2», tak što ruch budzie vieścisia pa paŭnavartasnych čatyroch pałosach pa dźvie ŭ kožnym kirunku. Heta značyć prapusknaja zdolnaść budzie značna lepš, čym u minuły raz na susiednich učastkach», - padkreśliŭ jon.
-
«Abutak dla sapraŭdnych patryjotaŭ»: biełaruskaja fabryka robić dla školnikaŭ boty z čyrvona-zialonymi šnurkami
-
Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
Kamientary