Skandalny eks-strateh Trampa nazvaŭ try klučavyja hieapalityčnyja zony (i my ŭ adnoj ź ich)
Centralnaja Azija (najpierš Kazachstan), Paŭdniova-Uschodniaja Azija, a taksama Uschodniaja Jeŭropa — voś try novyja klučavyja hieastratehičnyja zony śvietu, ličyć Styŭ Benan, były stratehičny daradca Donalda Trampa. Pryčyna — «zruch tektaničnych plitaŭ» pamiž ZŠA i Kitajem.
«Hetyja try zony zrobiacca vielmi važnymi ŭ hieapalityčnym sensie ŭ budučyni, tamu ja sprabuju pravodzić u ich jak maha bolej času», — skazaŭ Benan pad čas miedyjaforumu, jaki prachodziŭ u Kazachstanie, piša Bloomberg.
Kanflikt pamiž ZŠA i Kitajem bačycca Benanu jak ekzistencyjny.
Tramp pavinien jašče bolš uzmacnić handlovuju vajnu z Kitajem, ličyć jon, kab całkam adrezać kitajski biźnies ad amierykanskich rynkaŭ kapitału i technałohijaŭ.
«Tramp nie adstupicca, bo heta kanflikt pra toje, kab fundamientalna źmianić kitajskuju ekanomiku, kab zrabić ich zdolnymi pracavać z svabodnymi rynkavymi ekanomikami Zachadu. Tamu što ciapier my majem dźvie sistemy, jakija prosta nie sumiaščalnyja».
Benan byŭ adnym z architektaraŭ prahramy Trampa «Amieryka najpierš», jakaja dazvoliła jamu atrymać uładu.
Tramp pryznačyŭ Benana svaim hałoŭnym strateham, ale ŭ 2017 hodzie toj syšoŭ ź Biełaha domu i napisaŭ knihu, dzie krytyčna adazvaŭsia pra svajho byłoha patrona. Tramp abrynuŭsia na eks-daradcu z krytykaj u svajoj typovaj maniery — maŭlaŭ, Benan straciŭ nie tolki pracu, ale i rozum.
Choć Benan apošnim časam syšoŭ u cień, da jaho dumak varta prysłuchoŭvacca, bo jon maje niuch na hłabalnyja źmieny ŭ palityčnaj kultury.
U 2007 hodzie Benan byŭ adnym z suzasnavalnikaŭ sajtu Brajtbart, jaki praź niekalki hadoŭ imkliva nabyŭ papularnaść, bo namacaŭ balovy punkt amierykanskaha elektaratu — stomlenaść ad zabranzaviełaha palityčnaha isteblišmentu i zruch nastrojaŭ u ZŠA i ŭ śviecie ŭ cełym na karyść nacyjanalizmu z papulisckim prysmakam.
Mejnstrymavyja amierykanskija miedyi ličać Benana adyjoznym manipulataram, adnak usio roŭna ŭvažliva sočać za kožnym jaho rucham. Sam ža siabie Benan nazyvaje najpierš «ekanamičnym nacyjanalistam».
Cikava, što miedyjaforum u Ałmaty, dzie vystupaŭ Benan, prachodziŭ pad patranažam Daryhi Nazarbajevaj, starejšaj dački pieršaha prezidenta Kazachstana.
Ciapier čytajuć
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»4
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary