
Na składzie adnaho z kambinataŭ školnaha charčavańnia ŭ Lidzie padčas pravierki vyjaŭleny cukierki z kišečnaj pałačkaj. Realizoŭvać cukierki płanavałasia ŭ školnych stałoŭkach.
Cukierki pastupili z Rasijskaj Fiederacyi, a voś kankretna ź jakoj fabryki i ź jakoha horadu «Obyknoviennoje čudo» pryjechała ŭ Lidu nie paviedamlajecca. Inśpiektar adździeła dziaržnahladu Hrodzienskaj abłasnoj inśpiekcyi Dziaržstandartu ŭ horadzie Lida Alena Hros patłumačyła «Narodnaj voli», što takuju infarmacyju jany nie vydajuć.
Spadarynia Hros paviedamiła «Narodnaj voli», što pa vynikach pravierki vydadziena pradpisańnie ab zabaronie realizacyi niebiaśpiečnych cukierak, a taksama ab zabaronie ŭvozu ich na terytoryju Biełarusi. Dadzienaja pradukcyja zaniesiena ŭ Rejestr niebiaśpiečnaj pradukcyi, jaki publikujecca na sajcie Dziaržstandartu.
Kamientary