U vyniku vybuchu tratyłu na zavodzie «Kryštal» u Dziaržynsku Nižaharodskaj vobłaści pa miedycynskuju dapamohu źviarnulisia 82 čałavieki, paviedamili RBK u pres-słužbie Minzdaroŭja.
Havorka idzie pra rabotnikaŭ zavoda i žycharoŭ horada, dziaciej siarod paciarpiełych niama. «Na stacyjanarnym lačeńni — 15 čałaviek, adna pacyjentka ŭ ciažkim stanie, blizkim da siaredniaha, 14 — siaredniaj stupieni ciažkaści», — skazali ŭ pres-słužbie. U asnoŭnym u ludziej askałočnyja ranieńni.
U vyniku vybuchu byli razburanyja piać budynkaŭ, paškodžanyja 180 damoŭ, a šyby vybiła ŭ budynkach u radyusie troch kiłamietraŭ.
***
Nahadajem, što 1 červienia ŭ Dziaržynsku Nižaharodskaj vobłaści adbylisia try vybuchi na zavodzie «Kryštal» u cechu pa vytvorčaści tratyłu. Pa dadzienych krynicy «Interfaksa», u cechu vyrablali i zachoŭvali fuhasnyja avijabomby i kampanienty da ich.
Da 18 hadzin 1 červienia pažar patušyli, jaho płošča skłała 1200 kvadratnych mietraŭ.
U Dziaržynsku ŭviali režym nadzvyčajnaha stanovišča na terytoryjach kala zavoda, paviedamiła administracyja horada. Režym nie datyčyć usiaho horada.