У выніку выбуху тратылу на заводзе «Крышталь» у Дзяржынску Ніжагародскай вобласці па медыцынскую дапамогу звярнуліся 82 чалавекі, паведамілі РБК у прэс-службе Мінздароўя.
Гаворка ідзе пра работнікаў завода і жыхароў горада, дзяцей сярод пацярпелых няма. «На стацыянарным лячэнні — 15 чалавек, адна пацыентка ў цяжкім стане, блізкім да сярэдняга, 14 — сярэдняй ступені цяжкасці», — сказалі ў прэс-службе. У асноўным у людзей аскалочныя раненні.
У выніку выбуху былі разбураныя пяць будынкаў, пашкоджаныя 180 дамоў, а шыбы выбіла ў будынках у радыусе трох кіламетраў.
***
Нагадаем, што 1 чэрвеня ў Дзяржынску Ніжагародскай вобласці адбыліся тры выбухі на заводзе «Крышталь» у цэху па вытворчасці тратылу. Па дадзеных крыніцы «Інтэрфакса», у цэху выраблялі і захоўвалі фугасныя авіябомбы і кампаненты да іх.
Да 18 гадзін 1 чэрвеня пажар патушылі, яго плошча склала 1200 квадратных метраў.
У Дзяржынску ўвялі рэжым надзвычайнага становішча на тэрыторыях каля завода, паведаміла адміністрацыя горада. Рэжым не датычыць усяго горада.
Каментары