Siłaviki raspačali kryminalnuju spravu pa art. 430 (Atrymańnie chabaru) u dačynieńni da dyrektara AAT «Minski domabudaŭničy kambinat» Siarhieja Siamaški, paviedamili TUT.BY krynicy.
Pa dadzienych śledstva, 30 maja ŭ Minsku Siarhiej Siamaška atrymaŭ ad pradstaŭnika pryvatnaj kampanii chabar 300 rubloŭ. Hrošy byli pieradadzienyja za zabieśpiačeńnie dyrektaram svoječasovaj apłaty za vykananyja padradčykam raboty na budaŭnictvie žyłoha doma pa vulicy Kupreviča.
Pavodle infarmacyi Tut.by, padazravany pryznaŭsia ŭ atrymańni chabaraŭ na sumu bolš za 2,5 tysiačy rubloŭ i ŭžo pahasiŭ ŭron. Siamaška nie zatrymlivali, jon adpuščany pad abaviazacielstva ab jaŭcy. Spravu viadzie KDB. U pres-słužbie viedamstva pakul nie adkazali.
AAT «Minski domabudaŭničy kambinat» uvachodzić u dziaržabjadnańnie «Minskbud». Pradpryjemstva buduje šmatpaviarchovyja žyłyja damy ŭ jakaści zakazčyka z 2002 hoda.
Kamientary