Prezident Rasii Uładzimir Pucin skazaŭ, što nie admaŭlajecca ad kantaktaŭ z ukrainskim kaleham Uładzimiram Zialenskim, paviedamlaje RBK.
«A ja što, admaŭlaŭsia? Mnie nichto nie prapanoŭvaŭ», — skazaŭ Pucin.
«Ja nie viedaju hetaha čałavieka, spadziajusia, my kali-niebudź paznajomimsia. Miarkujučy pa ŭsim, jon dobry śpiecyjalist u toj halinie, u jakoj jon raniej pracavaŭ, jon dobry akcior. Ale, adna sprava kahości ihrać, a inšaja sprava być kimści», — skazaŭ jon.
Pucin pryznaŭ, što ŭ Zialenskaha jość talent pieraŭvasableńnia, adnak adznačyŭ, što jakaści, nieabchodnyja palityku, novy prezident Ukrainy nie paśpieŭ pakazać.
«My bačym supiarečlivyja vykazvańni: padčas pieradvybarčaj kampanii adno, paśla vybaraŭ inšaje. Ja nie kažu, što jon, ničoha nie zrabiŭšy, užo ŭsio sapsavaŭ svaimi vykazvańniami. Pažyviom, pabačym, pahladzim», — skazaŭ jon.
Rasijski lidar dadaŭ, što nie pavinšavaŭ Zialenskaha z ustupleńniem na pasadu z-za taho, što jon kaža pra Rasiju jak pra voraha. «Jon niejak pavinien vyznačycca ŭ tym, čaho jon choča damahčysia, što jon choča zrabić», — patłumačyŭ jon.
Kamientary