Ministerstva ŭnutranych spraŭ vyśvietliła krynicy ŭciečki słužbovaj infarmacyi. Ludzi, što mieli da hetaha dačynieńnie, buduć zvolnienyja. Pra heta zajaviŭ siońnia žurnalistam užo były kiraŭnik MUS Ihar Šunievič, piša BiełTA.
Jon adkazaŭ na pytańnie ab słužbovych dakumientach MUS, jakija źjaŭlajucca apošnim časam u miedyjaprastory.
«Uciečka infarmacyi — heta zaŭsiody aktualna. Kamisija MUS ź liku supracoŭnikaŭ Hałoŭnaha ŭpraŭleńnia ŭnutranaj biaśpieki ŭstanaviła i krynicy ŭciečki, i kankretnyja formy i sposaby pieradačy hetaj infarmacyi, padkreślivaju, słužbovaj, nie sakretnaha tołku. My previentyŭnyja miery ŭžo pryniali. Tyja, chto parušyŭ dyscyplinu i našy ŭnutranyja zahady, instrukcyi ź liku supracoŭnikaŭ orhanaŭ unutranych spraŭ, ustanoŭleny i buduć zvolnienyja za hetyja parušeńni», — skazaŭ jon.
Razam z tym, na dumku Ihara Šunieviča, prablema nie nosić sistemny charaktar. Jość vypadki ŭciečki, i jany, pa słovach ministra, navat nie adzinkavyja. Kiraŭnictva ab hetaj prablemie viedaje i prymaje miery. «Z punktu hledžańnia budučych mahčymych ryzyk i pahroz, miery ŭžo pryniatyja dla taho, kab minimizavać hety praces. Choć, pryznajusia, heta dosyć składana zrabić, uličvajučy raźvićcio sučasnych technałohij pieradačy infarmacyi, mesendžaraŭ i hetak dalej», — adznačyŭ Šunievič.
Šunievič syšoŭ u adstaŭku
