Hramadskaja kansultacyjnaja rada, jaki stvarajecca pry Administracyi prezidenta Biełarusi, budzie zajmacca nie tolki pytańniami pravoŭ čałavieka.
Pra heta ŭ intervju BiełaPAN paviedamiła pieršy namieśnik kiraŭnika Administracyi prezidenta Natalla Piatkievič.
Jak paviedamlałasia raniej, pradstaŭniki pravaabarončaha hramadskaha abjadnańnia «Biełaruski Chielsinkski kamitet» zaprošany ŭ hramadskuju kansultacyjnuju radu pa pravach čałavieka, jakuju płanujecca stvaryć pry Administracyi prezidenta.
Jak udakładniła Natalla Piatkievič, «saviet stvarajecca dla abmierkavańnia aktualnych pytańniaŭ hramadska‑palityčnaha raźvićcia biełaruskaha hramadstva». «Hety saviet moža razhladać pastaŭlenyja pierad im pytańni, prymać rašeńni i vynosić rekamiendacyi, jakija potym mohuć uličvacca pry pryniaćci rašeńniaŭ u toj ci inšaj śfiery hramadskaha žyćcia», — skazała pieršaja namieśnica kiraŭnika Administracyi prezidenta.
Pavodle jaje słoŭ, u skład savieta ŭvajšli pradstaŭniki jak dziaržaŭnych struktur, tak i niedziaržaŭnych arhanizacyj. «Pakul piersanalny skład savieta da kanca nie sfarmiravany, jon budzie apublikavany paźniej. Adnak ja mahu skazać, što ŭ jaho pavinny ŭvajści taksama pradstaŭniki palityčnych partyj, u tym liku i apazicyjnych. Prynamsi, jany byli zaprošanyja dla ŭdziełu ŭ rabocie rady», — skazała N.Piatkievič.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka3
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary