kremlin.ru
U japonskaj Osacy na palach samita G20 adbyłasia dvuchbakovaja sustreča prezidentaŭ Rasii i ZŠA Uładzimira Pucina i Donalda Trampa. Jak pieradaje Bi-Bi-Si, pieramovy praciahvalisia paŭtary hadziny.
Jašče da pačatku pieramovaŭ žurnalisty spytali Trampa, ci budzie jon abmiarkoŭvać z Pucinym umiašalnictva ŭ amierykanskija vybary. Prezident ZŠA zaśmiajaŭsia i skazaŭ rasijskamu kalehu: «Nie ŭmiešvajsia ŭ vybary, kali łaska».
Pa zakančeńni sustrečy ŭ Biełym domie zajavili, što Tramp i Pucin abmierkavali situacyju ŭ Iranie, Siryi, Vieniesuele i Ukrainie. «Prezidenty damovilisia praciahnuć dyskusii pa madeli kantrolu nad uzbrajeńniami XXI stahodździa, jakaja, jak zajaviŭ prezident Tramp, pavinna ŭklučać Kitaj», — havorycca ŭ zajavie Biełaha doma.