Mikałaj Filin, BAZA
Ustanoŭleny asoby zahinułych u vyniku pažaru na navukova-daśledčym hłybakavodnym aparacie dvuch Hierojaŭ Rasii. Pra heta paviedamlaje Telegram-kanał Baza.
Adzin z zahinułych — kapitan pieršaha ranhu i kamandzir paciarpiełaj padłodki Dzianis Dałonski. Hieroja Rasii jon atrymaŭ kala 6—7 hadoŭ tamu za daśledavańnie Arktyki i Antarktyki.
Druhi zahinuły — vyprabavalnik hłybakavodnaj vajennaj techniki, kapitan pieršaha ranhu Mikałaj Filin. Hierojem Rasii jon staŭ u 2018 hodzie. Abodva kapitana byli prypisany da vajskovaj častki Pieciarhofa.
Raniej stała viadoma pra miesca słužby 14 zahinułych rasijskich padvodnikaŭ. Jany ličylisia ŭ śpisach adnoj z vajskovych častak Sankt-Pieciarburha, jakaja nazyvajecca sakretnym abjektam. U adkrytych krynicach jana adznačana jak «ekspłuatant atamnych hłybakavodnych stancyj», a padraździaleńnie padparadkavana Hałoŭnamu ŭpraŭleńniu hłybakavodnych daśledavańniaŭ Ministerstva abarony.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)