Мікалай Філін, БАЗА
Устаноўлены асобы загінулых у выніку пажару на навукова-даследчым глыбакаводным апараце двух Герояў Расіі. Пра гэта паведамляе Telegram-канал Baza.
Адзін з загінулых — капітан першага рангу і камандзір пацярпелай падлодкі Дзяніс Далонскі. Героя Расіі ён атрымаў каля 6—7 гадоў таму за даследаванне Арктыкі і Антарктыкі.
Другі загінулы — выпрабавальнік глыбакаводнай ваеннай тэхнікі, капітан першага рангу Мікалай Філін. Героем Расіі ён стаў у 2018 годзе. Абодва капітана былі прыпісаны да вайсковай часткі Пецяргофа.
Раней стала вядома пра месца службы 14 загінулых расійскіх падводнікаў. Яны лічыліся ў спісах адной з вайсковых частак Санкт-Пецярбурга, якая называецца сакрэтным аб'ектам. У адкрытых крыніцах яна адзначана як «эксплуатант атамных глыбакаводных станцый», а падраздзяленне падпарадкавана Галоўнаму ўпраўленню глыбакаводных даследаванняў Міністэрства абароны.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)