Racijanin u Minsku źbiŭ prachožaha i abakraŭ 14-hadovuju dziaŭčynku-muzykanta
Pra zdareńnie paviedamiła staličnaja milicyja.
U milicyju źviarnuŭsia minčuk, jaki raspavioŭ, što napiaredadni da jaho padyšoŭ małady čałaviek i paprasiŭ pravieści da adnaho z budynkaŭ. Maŭlaŭ, jon nie miascovy i vulic nie viedaje. 33-hadovy minčuk pahadziŭsia. Ale ŭ adnym z dvaroŭ złamyśnik nakinuŭsia na minčuka i nanios udary nahoj pa hałavie i tułavie. Kali mužčyna straciŭ prytomnaść, toj zabraŭ sumku i źbieh.
Paźniej vyśvietliłasia, što jość i jašče adna paciarpiełaja — 14-hadovaja dziaŭčynka. Jana hrała ŭ pierachodzie na muzyčnym instrumiencie. Da jaje padyšoŭ hety mužčyna i vychapiŭ z torby, jakaja stajała pobač, 45 rubloŭ i źbieh.
Milicyja adpracavała zapis z kamier videanazirańnia i vyśvietlili mahčymyja prykmiety padazravanaha.
Praź niepraciahły čas padobny pa prykmietach mužčyna byŭ zaŭvažany apieratyŭnikami na łaŭcy. Milicyja prapanavała prajści ŭ najbližejšy pastarunak, na što 28-hadovy mužčyna zhadziŭsia. Pa darozie kinuŭsia naŭcioki, ale byŭ zatrymany.
Jak akazałasia, 28-hadovy žychar Rasii pryjechaŭ u stalicu napiaredadni II Jeŭrapiejskich hulniaŭ. Nie majučy hrošaj i miesca žycharstva, načavaŭ na techničnym paviersie šmatkvaternaha žyłoha doma i «padpracoŭvaŭ» kradziažom majomaści. Było ŭstanoŭlena, što fihurant znachodzicca ŭ fiederalnym vyšuku, byŭ nieadnarazova sudzimy za razboj i kradziažy na terytoryi Rasii. Mužčyna źmieščany ŭ izalatar časovaha ŭtrymańnia.
Ciapier čytajuć
U jakim miesiacy biełarusy pamirajuć čaściej za ŭsio?1
Kamientary