Dynamaŭskaje derbi i dvuboj hałoŭnych łuzieraŭ čempijanatu. Što cikavaha budzie ŭ piatnaccatym tury vyšejšaj lihi?

Hałoŭnaj padziejaj čatyrnaccataha tura, viadoma, stała biełaruskaje «kłasika». Siarhieju Hurenku znoŭ nie ŭdałosia abhulać BATE, ale jahonaja kamanda pakazała dobruju hulniu, a ŭ jaje składzie vyjšaŭ hulec 2002 hoda naradžeńnia. Kaniečnie, nie ad dobraha žyćcia, ale davier hałoŭnaha treniera «Dynama» da svajoj moładzi možna tolki ŭchvalić.

Pavialičyć

Na hetym tydni stała viadoma pra surjoznyja prablemy minskaha «Tarpieda». Hałoŭny sponsar Michaił Miranienkaŭ spyniŭ finansavańnie kamandy, hulcy ŭžo niekalki miesiacaŭ nie atrymlivajuć zarobki, a na vyjezd u Słuck jany pajechali tolki dziakujučy padtrymcy ABFF. Jość imaviernaść taho, što kamanda moža nie dahulać čempijanat.

Ź cikavostak chočacca adznačyć čarhovy zvyšvynikovy matč «Enierhietyka-BDU» — kamanda prajhravała «Niomanu» ź likam 0:4, ale zdoleła zabić dvojčy i prajhrać nie nadta haniebna. A «Šachcior» vyrvaŭ pieramohu ŭ «Minska» dziakujučy pienalci na apošnich chvilinach — pryčym u «haradžan» było dva vydaleńni, u tym liku bramnika, i ŭ bramie matč dahulvaŭ palavy hulec.

Ciapier pahladzim, što cikavaha nam rychtuje 15-y tur.

«Dniapro» — «Enierhietyk-BDU»

• 12.07, 18:45. Mahiloŭ, stadyjon «Spartak»
• Kaeficyjenty: «Dniapro» (pieramoha) — 2.33; ničyja — 3.40; «Enierhietyk-BDU» (pieramoha) — 2.88

Paśla niečakanaj bujnoj pieramohi nad «Isłačču» mahiloŭcy prajhrali try hulni zapar i ŭ vyniku apuścilisia na 14-y radok — nižej tolki zona vyletu.

«Enierhietyk» čarhuje pieramohi, parazy i ničyi, ale zbolšaha ŭsie matčy vyłučajucca jaskravaj atakujučaj hulnioj i mnostvam prapuščanych hałoŭ — naprykład, u dźviuch apošnich hulniach «studenty» prapuścili 7 miačoŭ. Ale ž i zabili 5!

Čakajem viasiołaha futbołu!

Prahnoz «NN»: totał bolšy za 2,5.

«Minsk» — «Isłač»

• 12.07, 20:45. Stadyjon FK «Minsk»
• Kaeficyjenty: «Minsk» (pieramoha) — 3.36; ničyja — 3.28; «Isłač» (pieramoha) — 2.14

Paśla troch matčaŭ bieź pieramoh «Isłač» narešcie pieramahła — ź likam 2:1 «vaŭki» pieramahli ŭ «Słavii». A hoł Mamo Jansane byŭ pryznany najlepšym u tury.

«Minsku» budzie niejmavierna składana: jak vyšej było zhadana, u Salihorsku byli vydalenyja dva lidary kamandy — abaronca Aleksa Vidzič i bramnik Siarhiej Vieramko.

Prahnoz «NN»: pieramoha «Isłačy».

«Tarpieda-Minsk» — «Homiel»

• 13.07, 17:00. Stadyjon FK «Minsk»
• Kaeficyjenty: «Tarpieda» (pieramoha) — 5.65; ničyja — 3.84; «Homiel» (pieramoha) — 1.58

Toj redki hladač, jaki zabrydzie ŭ subotu na «Kamvolščyk», moža stać śviedkam histaryčnaj padziei. «Aŭtazavodcy» nie vyjhravali z 6 krasavika, a «Homiel» — z 13 krasavika. 

Z usimi prablemami «Tarpieda» jość adzin pazityŭny fakt: adzinuju pieramohu tyja zdabyli jakraz na stadyjonie FK «Minsk».

Prahnoz «NN»: pieramoha «Homiela».

«Nioman» — «Słuck»

• 13.07, 18:45. Hrodna, CSK «Nioman»
• Kaeficyjenty: «Nioman» (pieramoha) — 1.78; ničyja — 3.44; «Słuck» (pieramoha) — 4.60

U haradziencaŭ pakrysie naładžvajucca spravy — dźvie pieramohi i 7 zabitych miačoŭ tamu paćviardžeńnie.

«Słuck» nie vyhladaje surjoznym supiernikam, ale ŭ Hrodnie słuččaki lubiać zasmučvać miascovych zaŭziataraŭ, pieramahajučy «Nioman» ź likam 0:3 ci 0:4.

Ale jość pradčuvańnie, što nie na hety raz.

Prahnoz «NN»: pieramoha «Niomana».

BATE — «Tarpieda-BiełAZ»

• 13.07, 20:45. «Barysaŭ-Arena»
• Kaeficyjenty: BATE (pieramoha) — 1.42; ničyja — 4.333; «Tarpieda» (pieramoha) — 7.40

BATE startavaŭ u Lizie čempijonaŭ ź ničyjoj z polskim «Piastam», i pierad hulnioj z davoli mocnym «Tarpieda-BiełAZ» barysaŭcam budzie vielmi składana abstrahavacca ad dumak pra jeŭrakubkavy matč u adkaz.

Ź inšaha boku, situacyja ŭ tablicy i chod bieraściejskaha «Dynama» nijak nie dazvalaje BATE rassłablacca. Ci zdoleje vyjści BATE z takoha raskładu pieramožcam?

Prahnoz «NN»: totał mienšy za 2,5.

«Dynama-Brest» — «Dynama-Minsk»

• 14.07, 20:45. ASK «Brecski»
• Kaeficyjenty: «Dynama-Brest» (pieramoha) — 1.35; ničyja — 4.65; «Dynama-Minsk» (pieramoha) — 8.80

Lidaraŭ tablicy taksama čakaje niaprostaja hulnia.

Letaś abodva dynamaŭskija derbi skončylisia ŭničyju, ale zrazumieła, što za hety čas status kamand vidavočna źmianiŭsia. Ale lohka zdavacca chłopcy Hurenki nie źbirajucca. 

Prahnoz «NN»: ničyja.

Matčy «Słavija»—«Viciebsk» i «Haradzieja»—«Šachcior» adbuducca 25 vieraśnia!

TURNIRNAJA TABLICA

Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon! 

Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!

• 0
• 0
• 0
• 0
• 0
• 0