Niekalki hadoŭ tamu była ŭchvalenaja prezydenckaja prahrama dla vyroščvańnia na Homielščynie cybuli i zialonaha harošku. Niadaŭna Kamitet dziaržaŭnaha kantrolu padvioŭ vyniki pravierki vykanańnia prezydenckaj prahramy. Jak vyśvietlili kantralory, niahledziačy na badzioryja raparty, prahrama była z treskam pravalenaja.
Niekalki hadoŭ tamu była ŭchvalenaja prezydenckaja prahrama dla vyroščvańnia na Homielščynie cybuli i zialonaha harošku. Niadaŭna Kamitet dziaržaŭnaha kantrolu padvioŭ vyniki pravierki vykanańnia prezydenckaj prahramy. Jak vyśvietlili kantralory, niahledziačy na badzioryja raparty, prahrama była z treskam pravalenaja. Materyjały pravierki pieradadzienyja ŭ prakuraturu. U čym pryčyna pravału, vyśviatlała naša karespandentka.
Zhodna z zahadam kiraŭnika dziaržavy, u 2005 hodzie Biełaruś pavinna była vyrabić 10 miljonaŭ słoikaŭ kanservavanaha harošku. Ciažka skazać, adkul ŭziałasia takaja ličba – pa słoiku harošku na kožnaha žychara krainy. Haspadarkam Homielščyny byli daviedzienyja zadańni ŭ vyroščvańni harochu. Naturalna, balšynia haspadarak absalutna nie znajomaja z technalohijaj, niama admysłovaj techniki dla apracoŭvańnia, zboru harochu.
Mierkavańnie byłoha ministra sielskaj haspadarki Vasila Lavonava:
(Lavonaŭ: ) «Harošak možna vyroščvać. Jaho i vyroščvali raniej, ale mašyn niama, viedaŭ peŭnych niama. Ale samaje hałoŭnaje – nikoha heta nie cikavić. Heta ž usio źvierchu zadajecca, a pakul dojdzie da nizu, zusim inakš vyhladaje. Treba, kab čałaviek byŭ zacikaŭleny, pierš za ŭsio. A takich u sielskaj haspadarcy siońnia niama. Jany ad strachu dryžać, ale cikavaści ŭ ich niama. Niama mašyn, niama viedaŭ, niama nijakaha intaresu. Voś hałoŭnaje!»
Z 1030 hiektaraŭ, zasiejanych pad haroch, 416 byli ŭbranyja z parušeńniem technalohii. Vynik – niedabrana bolš za 40 % harochu. Adzin tolki Turaŭski kanservavy zavod pierapracavaŭ 442 tony pieraśpiełaha harošku. Try čverci słoikaŭ tak i zastalisia nierealizavanymi. Straty – bolš za paŭtara miljarda rubloŭ.
Kab vykanać zahad prezydenta adnosna harochu, pierapracoŭčyja pradpryjemstvy Homielskaj vobłaści vymušanyja pieraaryjentavać vytvorčaść. Raniej zavody vyrablali pa dziasiatku najmieńniaŭ roznych saleńniaŭ, marynadaŭ, sokaŭ, letaś – adno-dva. Tamataŭ, hurkoŭ, sałaty, jabłykaŭ z pryčyny daviedzienaha zahadu pa harochu zavody amal nie pierapracoŭvali. Vynik – u biełaruskich kramach kanservy z hurkoŭ i pamidoraŭ małdaŭskija, rasiejskija, navat jabłyčny sok – ukrainski.
Pa cybuli, druhoj pryjarytetnaj dla Homielščyny kultury, prezydenckaje zadańnie taksama pravalenaje. Z zaplanavanych na 2005 hod 25 tysiač tonaŭ cybuli vyraščana tolki 16 tysiač tonaŭ. Pavodle padlikaŭ Kamitetu dziaržkantrolu, bolš za 3 miljony dalaraŭ, vydatkavanych na cybulavodztva, paprostu zakapanyja ŭ ziamlu. Niekatoryja kiraŭniki haspadarak stracili pasady, niekatoryja aštrafavanyja. Materyjały pravierki nakiravanyja ŭ prakuraturu.
Ciapier pierad sielskaj haspadarkaj Homielščyny pastaŭlenyja novyja zadačy: zakłaści plantacyi sparžavaj fasoli (dla kanservavańnia), i bachču dla vyroščvańnia harbuzoŭ (dla vytvorčaści soku).
Člen-karespandent Akademii navuk, prafesar Ivan Nikitčanka vykazaŭ takoje mierkavańnie:
(Nikitčanka: ) «U nas niama techniki ŭboračnaj. Sparžavuju fasolu treba ž ubirać pa asablivaj technalohii. U nas nikoli ž joj nichto nie zajmaŭsia, za vyklučeńniem dačnikaŭ. Heta pustaja trata srodkaŭ, pustazvonstva. Ničoha z hetaha nie atrymajecca».
Havoryć eks-ministar sielskaj haspadarki Vasil Lavonaŭ:
(Lavonaŭ: ) «Heta ŭsio papulizm. My ŭžo šmat čaho vyroščvali...»
(Karespandentka: ) «A heta nie nahadvaje chruščoŭskaha času z kukuruzaj?
(Lavonaŭ: ) «Heta, pa-mojmu, navat horš».
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary