Fota SK
U listapadzie 2017 hoda ŭ milicyju źviarnułasia žycharka Słonima. Bieź viestak źnik jaje 61-hadovy brat: jon pajšoŭ z domu i nie viarnuŭsia. Mužčynu tak i nie znajšli, była zaviedziena kryminalnaja sprava, paviedamlaje SK.
Śledčyja vyśvietlili, što źnikły doŭhi čas pražyvaŭ ź siamjoj pa-za miežami krainy, u Słonim viarnuŭsia adzin i žyŭ u domie pamierłych baćkoŭ. Ź siastroj kantaktavaŭ redka, złoŭžyvaŭ ałkaholem.
Praz paŭtara hoda, u lipieni 2019-ha, była atrymana apieratyŭnaja infarmacyja ab mahčymym ździajśnieńni zabojstva. Pad padazreńnie trapiŭ 58-hadovy žychar Słonima, jaki kantaktavaŭ sa źnikłym. U dalejšym hetaja viersija znajšła svajo paćvierdžańnie. Padazravany pryznaŭsia ŭ złačynstvie i paviedamiŭ, što zabiŭ mužčynu 9 maja 2017 hoda ŭ jaho domie padčas kanfliktu, što ŭźnik pry sumiesnym raśpivańni śpirtnych napojaŭ, paśla čaho zakapaŭ cieła ŭ dvary.
