Alaksandr Łukašenka padpisaŭ zakon «Ab źmianieńni zakonaŭ pa pytańniach efiektyŭnaha funkcyjanavańnia vajennaj arhanizacyi dziaržavy», paviedamlaje BiełTA.
Paviedamlajecca, što zakon pryniaty ŭ metach «padtrymańnia pastajannaj bajavoj hatoŭnaści Uzbrojenych Sił va ŭmovach aktyvizacyi vajennaj dziejnaści ŭ śviecie i Jeŭropie».
Zachavany ŭsie adterminoŭki pa stanie zdaroŭja, siamiejnym stanoviščy i inšyja, jakija davalisia raniej. Źmieny zakranuli nadańnie adterminovak dla praciahu adukacyi: uvodzicca pryncyp adnarazovaści adterminoŭki.
Taksama zakon abmiažoŭvaje pryniaćcie na dziaržaŭnuju słužbu, słužbu ŭ orhanach sistemy zabieśpiačeńnia nacyjanalnaj biaśpieki hramadzian, jakija ŭchilalisia ad pryzyvu.
Usie adterminoŭki dla praciahu adukacyi, nadadzienyja da ŭstupleńnia ŭ siłu zakona, buduć zachoŭvacca da straty padstaŭ, pa jakich jany nadadzieny. Zakon ustupaje ŭ siłu praź dziesiać dzion paśla aficyjnaha apublikavańnia.