Аляксандр Лукашэнка падпісаў закон «Аб змяненні законаў па пытаннях эфектыўнага функцыянавання ваеннай арганізацыі дзяржавы», паведамляе БелТА.
Паведамляецца, што закон прыняты ў мэтах «падтрымання пастаяннай баявой гатоўнасці Узброеных Сіл ва ўмовах актывізацыі ваеннай дзейнасці ў свеце і Еўропе».
Захаваны ўсе адтэрміноўкі па стане здароўя, сямейным становішчы і іншыя, якія даваліся раней. Змены закранулі наданне адтэрміновак для працягу адукацыі: уводзіцца прынцып аднаразовасці адтэрміноўкі.
Таксама закон абмяжоўвае прыняцце на дзяржаўную службу, службу ў органах сістэмы забеспячэння нацыянальнай бяспекі грамадзян, якія ўхіляліся ад прызыву.
Усе адтэрміноўкі для працягу адукацыі, нададзеныя да ўступлення ў сілу закона, будуць захоўвацца да страты падстаў, па якіх яны нададзены. Закон уступае ў сілу праз дзесяць дзён пасля афіцыйнага апублікавання.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары