U milicyju pastupiła zajava ad 25-hadovaha ślesara z Mahilova, u jakoha z sumki źnik pnieŭmatyčny pistalet z dakumientami na jaho i skrynka z kulami na 430 rubloŭ, paviedamlaje mogilevnews.by
Jak paviedamiła aficyjny pradstaŭnik Leninskaha RAUS Alena Simanava, vyśvietliłasia, što kradziež ździejśniła 62-hadovaja žančyna.
Akazałasia, mužčyna viartaŭsia dadomu a 4-j ranicy i mocna chacieŭ spać, tamu uładkavaŭsia na asfalcie kala doma i zadramaŭ. Mužčynu sprabavaŭ abudzić viełasipiedyst, ale biez tołku — jon praciahvaŭ spać spakojnym snom.
A voś piensijanierka budzić jaho nie stała, zatoje pravieryła kišeni, zabrała zbroju z kulami i dakumienty i syšła.
Pračnuŭšysia, mahiloviec adrazu ž źviarnuŭsia ŭ pravaachoŭnyja orhany. Žančyna zatrymanaja.
0
0
0
0
0
0
