Dniami dziaržynskim ratavalnikam pastupiła paviedamleńnie ab pažary. Ustryvožany dziciačy hołas paviedamiŭ, što pobač z horadam haryć pole pšanicy, piša UUS Minabłvykankama.
Pažar udałosia patušyć za niekalki chvilin. U chutkim časie ŭdałosia znajści i padpalščykaŭ, miascovych dziaciej 10-13 hadoŭ. Ahladajučy miesca zdareńnia, pravaachoŭniki vyjavili niepadalok abkurodymlenuju dziciačuju bajku, a zatym i jaje haspadara, što chavaŭsia ŭ kustach.
Niekalkimi hadzinami raniej, try chłopčyki i try dziaŭčynki 10-13 hadoŭ, jakija žyvuć na ŭskrainie horada, vypravilisia ŭ impravizavany pachod. Z saboj uziali trochi ježy, cyharety, zapałki i zapalničku. Kala pšaničnaha pola vyrašyli pierakusić i pakuryć. Kab nie zaŭvažyli darosłyja, adyšli ad darohi ŭhłyb.
Pajeŭšy, pačali dureć: dziela zabavy padpalvali travu i kałasy. Ahoń padchapiŭ mocny viecier. Chłopčyki sprabavali tušyć ahoń padručnymi srodkami — zaplečnikam, bajkaj i reštkami vady z butelki.
Ubačyŭšy, što nie spraŭlajucca, dzieci patelefanavali «112» i raźbiehlisia…
Škodu ad spalenaha 0,3 ha pšanicy AAT «Krutahorje-Pietkavičy» acaniła ŭ 6500 rubloŭ, jaje pryjdziecca kampiensavać baćkam tych dziaciej.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka3
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary