Na staličnym rynku arendy kvater vyjaviłasia tendencyja na stabilnaje patańnieńnie ŭsich vidaŭ žylla. Paśla peŭnaj stabilizacyi ceńnikaŭ arendy ŭ druhoj dekadzie studzienia, siońnia popyt na standartnyja kvatery istotna źniziŭsia, a voś prapanova stała aktyŭna pavialičvacca.
Źjavilisia adnapakajoŭki i za 200 USD
Siaredni košt arendy trochpakajovych kvater składaje ciapier 350 dołaraŭ plus kvartpłata. A voś u novabudoŭlach Malinaŭki i Sucharava trochpakajoŭki ź vialikaj ahulnaj płoščaj i biez mebli prapanujucca ŭsiaho za 300 dołaraŭ.
Arenda ŭ centry patańnieła na 150—200 USD
Bolš za ŭsio za apošnija dva tydni ŭ stalicy patańnieli vysokalikvidnyja dvuchpakajovyja i nievialikija pa płoščy trochpakajovyja kvatery pa praśpiekcie Niezaležnasci, kala płoščy Pieramohi i pobač sa stancyjaj mietro «Niamiha». Raniej kvatery ŭ hetych prestyžnych miežach kaštavali 600—700 dołaraŭ, a siońnia prapanujucca ŭžo nie daražej čym za 450—500 dołaraŭ. Vyklučeńnie składajuć tolki sapraŭdy elitnyja kvatery z sučasnym jeŭraramontam i peŭnym naboram darahoj mebli i bytavoj techniki. Prapanova takoha žylla ŭ Minsku abmiežavana, tamu minułahodni cennik pa hetych šykoŭnych kvaterach u pamiery kala 1500 dołaraŭ siońnia zastajecca niaźmiennym.
Haspadary zhadžajucca i na studentaŭ
Jašče ŭvosień amal usie ŭładalniki «lišniaha» žylla abaviazkova patrabavali ad ahienctvaŭ, kab kvataranty nie byli studentami. Nie vitałasia zdača jakasnych kvater maładym siemjam z małymi dziećmi. Siońnia situacyja źmianiłasia takim čynam, što nie ŭładalniki kvater vybirajuć kvatarantaŭ, a mienavita klijenty «pryhladajucca» da žylla i haspadaroŭ. Ciapier amal usie ahienctvy nieruchomasci prapanujuć svaje pasłuhi pa fakcie zasialeńnia, kali baki zaklučajuć dahavory ŭ prysutnasci śpiecyjalistaŭ rynku žyllovaj nieruchomasci. Uličvajučy toj fakt, što apłata arendy žylla ažyćciaŭlajecca vyklučna ŭ dołarach, jaki ŭ apošni čas praciahvaje daražeć, haspadary kvater prapanujuć zaklučać dahavory minimum na 3—6 miesiacaŭ, dzie cana arendy była b stabilnaj. A voś kvataranty pry zaklučenni takich dahavoraŭ patrabujuć ad ułasnikaŭ žylla hnutkaj sistemy płaty, jakaja mahła b znižacca adpaviedna z rynkavymi realijami. Ciapier na rynku arendy žylla pačali źjaŭlacca takija vypadki, kali adnu vialikuju dvuchpakajovuju ci trochpakajovuju kvateru zdymajuć adrazu dźvie maładyja siam'i. Haspadary kvater pačali zhadžacca i z takimi varyjantami arendy.
Arenda moža patańnieć jašče na 20—50 USD
Śpiecyjalisty ahienctvaŭ žyllovaj nieruchomasci adznačajuć, što realna z novaha hoda arenda kvater u rublach tolki padaražeła. Svaje zarobki bolšaść kvatarantaŭ atrymlivaje taksama ŭ rublach, jakija z pačatku hoda amal uvohule nie pavialičylisia. U studzieni rynak arendy «źjadaŭ» valutu kvatarantaŭ, jakaja była nabyta jašče pa starym kursie da Novaha hoda. Užo ŭ lutym pa kišeni kvatarantaŭ udaryć pavieličeńnie kamunalnych płaciažoŭ, a taksama ciažkasci z deficytam užo darahoj zamiežnaj valuty. Pavodle ahučanych raniej prahnozaŭ śpiecyjalistaŭ, u lutym—sakaviku niebahatyja kvataranty pačnuć masava admaŭlacca płacić takuju arendu. Taki prahnoz pačynaje spraŭdžvacca ŭžo ciapier. Istotna pamianšajecca popyt na ŭsie typy arendnaha žylla, a prapanova siońnia tolki pavialičvajecca. Śpiecyjalisty arendy žylla ŭpeŭnienyja, što ŭ sakaviku minimalny košt arendy nievialikich nie vielmi jakasnych kvater moža znizicca navat da 180—150 dołaraŭ.
