Navukoŭcy: Myšy dapamohuć čałaviectvu zmahacca z fejkami

Amierykanskija navukoŭcy vyśvietlili, što myšy zdolnyja efiektyŭna adroźnivać naturalny hołas ad stvoranaha z dapamohaj štučnaha intelektu, paviedamlaje The Wall Street Journal. Takoje adkryćcio moža dapamahčy ŭ baraćbie z «hłybokimi fejkami», kali źmianieńnie huku na aryhinalnych videazapisach moža spravakavać skandał abo ŭzbrojeny kanflikt.

Daśledavańnie pakazała, što žyvioły zdolnyja adroźnivać elemienty naturalnaha maŭleńnia. Takija vyniki mohuć paŭpłyvać na toje, jak technałahičnyja kampanii buduć vybudoŭvajuć sistemy dla raspaznańnia apracavanych na kampjutary hałasoŭ, stvoranych sistemami štučnaha intelektu.

Va ŭsim śviecie zaniepakojenyja rostam kolkaści deep fake (hłybokich fejkaŭ), kali adbirajucca sotni fatahrafij i hałasavych zapisaŭ, a štučny intelekt ich źmianiaje. Heta robicca dla taho, kab prypisać ludziam słovy, jakich jany nie kazali, abo dziejańni, jakich nie ździajśniali. Aściarohi vyklikanyja tym, što hetyja technałohii mohuć vykarystoŭvacca dla ŭpłyvu na vybary, ździajśnieńnia kibieratak na kampanii, kali machlar vydaje siabie za kiraŭnikoŭ vyšejšaha źviana, abo na pryvatnych asob.

Pryłady, jakija stvarajuć fejki, mohuć padmanuć čałaviečaje vucha hukami, jakija nahadvajuć tyja, jakija ŭtvaraje čałaviek, choć jany stvorany inšym sposabam. Takija fejki mohuć pryvodzić da katastrofy: destabilizavać hłabalnyja finansavyja rynki abo spravakavać hramadzianski abo vajenny kanflikt.

Dla raspracoŭki bolš bytavoha ałharytmu vyjaŭleńnia «hłybokaha fejka» nieabchodna pryciahnuć fanietyku i niejrabijałohiju, jakija pakazvajuć, jak pavinien hučać huk i jak jaho analizuje i apracoŭvaje mozh čałavieka.

Padčas dośledaŭ daśledčyki treniravali myšej adroźnivać faniemy, naprykład, huki, jakija asacyjujucca ź litarami P, B i T. Dakazana, što faniemy, jakich u anhlijskaj movie bolš za 40, źjaŭlajucca adnym z samych ciažkich aśpiektaŭ dla simulacyi, tamu rannija viersii «hłybokich fejkaŭ» časta hučali nienaturalna. Sistema słychu myšej padobnaja na słych ludziej svajoj zdolnaściu paznavać składanyja kambinacyi hukaŭ, i, pa zdahadcy navukoŭcaŭ, heta možna vykarystoŭvać dla vyznačeńnia sintezavanaha hołasa.

U chodzie ekśpierymientu myšej treniravali biehčy ŭ adno ci inšaje miesca ŭ zaležnaści ad pačutaha huku i ŭznaharodžvali, kali jany prymali pravilnaje rašeńnie. Z časam žyvioły navučylisia adroźnivać čałaviečy i kampjutarny hołas u 75% vypadkaŭ.

• 0
• 0
• 0
• 0
• 0