Baćka Iłana Maska maje dvaich dziaciej ad svajoj padčarki, jakaja maładziejšaja za jaho na 42 hady
Paŭdniovaafrykanski inžynier i były pradprymalnik Erał Mask va ŭzroście 72 hadoŭ staŭ baćkam dziciaci ad svajoj padčarki, jakuju vychoŭvaŭ z čatyrochhadovaha ŭzrostu. Ale historyja na hetym nie skončyłasia.
Usio pačałosia ŭ 1992 hodzie, kali Erał Mask ažaniŭsia z udavoj Chajde Biezejdenchaŭt (Heide Bezuidenhout). Ad pieršaha šlubu ŭ Chajde było troje dziaciej, siarod jakich i čatyrochhadovaja Jana. Dziaŭčynka zachavała proźvišča baćki, jaki zahinuŭ u aŭtakatastrofie.
Erał vychoŭvaŭ dziaciej Chajde razam sa svaimi tryma dziećmi ad pieršaha šlubu z kanadskaj madellu Mej Mask. Praŭda, na momant druhoha šlubu baćki Iłan užo žyŭ u Kanadzie, na radzimie svajoj maci.
U Erała i Chajde naradzilisia jašče dźvie dački.
Šlub Erała i Chajde praciahvaŭsia kala 18 hadoŭ — da pačatku 2010-ch. Paśla razryvu dzieci Chajde apynulisia pad apiekaj inšych svajakoŭ abo znajomych.
Jana pieražyła niaprosty pieryjad: zmahałasia z narkatyčnaj zaležnaściu, a ŭ 2014 hodzie naradziła dačku, jakuju vychoŭvała adna. Kali mienavita pačalisia jaje adnosiny z Erałam, byłym ajčymam — nieviadoma. Adnak u 2017 hodzie ŭ ich naradziŭsia syn Elijot Raš Mask. Pavodle słoŭ svajakoŭ, baćkoŭstva Erała, jakomu na toj momant było 72 hady, było paćvierdžana DNK-testam.
Źjaŭleńnie Elijota Raša raskałoła siamju i vyklikała čarhovy kanflikt pamiž Erałam i Iłanam Maskam, adnosiny pamiž jakimi zaŭsiody byli składanymi. Na praciahu mnohich hadoŭ jany nie padtrymlivali suviaź.
U adnym ź intervju Iłan raspaviadaŭ pra ciažkaje dziacinstva i pra toje, jak u škole padviarhaŭsia ździekam. Jašče ŭ 2017 hodzie ŭ intervju Rolling Stone jon nazvaŭ svajho baćku «žachlivym čałaviekam» i dadaŭ: «Amal usie złyja ŭčynki, jakija vy tolki možacie sabie ŭjavić, jon ździejśniŭ».
U lipieni 2022 hoda Erał daŭ intervju tabłoidu The Sun, u jakim paviedamiŭ, što ŭ jaho i Jany Biezejdenchaŭt u 2019 hodzie naradziłasia druhoje dzicia — dziaŭčynka. Pavodle jaho słoŭ, dačka nie była zapłanavanaj.
«Ale my žyli razam. Jana zastavałasia tut kala 18 miesiacaŭ paśla naradžeńnia Raša», — cytuje The Sun Maska-starejšaha.
U chutkim časie paśla hetaha Erał i Jana pierastali žyć razam. Pavodle mužčyny, pryčynaj rasstańnia stała, siarod inšaha, značnaja roźnica va ŭzroście. Tym nie mienš Mask-starejšy śćviardžaŭ, što pamiž imi ŭsio jašče zachoŭvajecca prychilnaść.
Usiaho ŭ Erała Maska — siamiora dziaciej.
«Adzinaje, dziela čaho my žyviom na Ziamli, — heta kab razmnažacca. Kali b ja moh mieć jašče adno dzicia, ja b jaho zavioŭ. Nie baču pryčyn nie rabić hetaha», — havaryŭ jon žurnalistam.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary