Barysaŭskamu BATE zastajecca zrabić adzin krok dla vychadu ŭ hrupavy etap Lihi Jeŭropy. Siońnia čempijon Biełarusi prajšoŭ baśnijski «Sarajeva».
Pieršaja hulnia hetych kamand tydzień tamu ŭ Bośnii skončyłasia pieramohaj BATE ź likam 2:1. Biełarusy ŭpeŭniena kantralavali chod hulni, ale prapuścili hoł paśla taho, jak fanaty haspadaroŭ stali ŭzryvać na trybunach pietardy, a sudździa navat na niejki čas vyvodziŭ kamandy z pola.
Pierad hulnioj u adkaz BATE byŭ biezumoŭnym favarytam, ale zamacavać hety status nie duža atrymałasia. Možna skazać, što hulnia była absalutna roŭnaj. Na kožnuju ataku BATE «Sarajeva» adkazvała svajoj.
Zrešty, da vialikich pahrozaŭ sprava tak i nie dachodziła. Niekalki razoŭ niebiaśpiečna biŭ kapitan Stasievič, cikava ŭ ataku pajšoŭ Jabłonski. Našamu bramniku Čyčkanu taksama davodziłasia ŭstupać u hulniu, ale takich momantaŭ, jakija pryniata nazyvać «vierniakami», hledačy tak i nie ŭbačyli.
Taki chod hulni byŭ biezumoŭna na karyść BATE, bo hałava pra hały pavinna była baleć u «Sarajeva». Abudziłasia hulnia tolki ŭ samaj kancoŭcy, kali na apošniaj chvilinie hulcy pačali bojku na broŭcy. Ale heta ni na što nie paŭpłyvała. Matč tak i skončyŭsia ź likam 0:0.
U vyniku barysaŭcy prajšli ŭ raŭnd płej-of Lihi Jeŭropy. Nastupnym našym supiernikam budzie «Astana». Kazachi taksama, jak i BATE, hulali ŭ Lizie čempijonaŭ, ale sastupili tam rumynskamu «Kłužu», tamu apuścilisia ŭ Lihu Jeŭropu. Adnojčy BATE ŭžo prajhravaŭ «Astanie», budzie šaniec uziać revanš.
Jašče adzin biełaruski kłub — salihorski «Šachcior» — zaviaršyŭ vystupleńnie ŭ Lizie Jeŭropy, zhulaŭšy doma ŭničyju z «Taryna» 1:1. Nahadajem, hulnia ŭ Italii zaviaršyłasia razhromam «Šachciora» ź likam 0:5
Ciapier čytajuć
Dačka Nadziei Jermakovaj pastaŭlaje rybu ŭ kałonii, balnicy i siłavikam2
Kamientary