Były futbalist Piatro Kačura byŭ adnym z kamientataraŭ našumiełaha matča za Supierkubak Jeŭropy, paśla jakoha Paŭła Baranava abvinavacili ŭ seksiźmie za šerah niepryhožych žartaŭ u adras francuzskaj sudździ Stefani Frapar.
«Ja nie pamiataju, kab padčas matča asabista ja niešta skazaŭ drennaje pra sudziejstva, ja naadvarot u zachapleńni ad taho, jak spracavała sudziejskaja bryhada. Heta byŭ cudoŭny, vidoviščny matč i sudziejstva, ź jakoha biełaruskamu futbołu jašče treba brać prykład», — adkazvaje Piatruś Kačura.
Jak pryznajecca były hulec zbornaj Biełarusi, za jaho futbolnaje žyćcio nie raz zdarałasia, što hulni taksama sudzili žančyny.
«Paviercie, žančyna-sudździa — heta tolki plus. Što adbyvajecca na futbole, kali kipiać žarści, a tut sudździa daje śvistok? Maciuki-pieramaciuki, abrazy, źniavahi. A pierad žančynaj užo soramna siabie pavodzić niepryhoža. Tamu žančyny ŭ futbole supakojvajuć, dyscyplinujuć mužčyn», — ličyć Kačura.
Što datyčycca kankretna matča za Supierkubak, Piatro ličyć, što nijakich abrazaŭ u adras žančyn na im nie prahučała:
«Pavieł imknuŭsia pažartavać, ale nie dumaju, što jon chacieŭ kahości prynizić. Pamylajucca ŭsie: i mužčyny, i žančyny. Tamu, kali sudździa zamarudziła krychu z padniaćciem kartki, Pavieł tak i vykazaŭsia. Padkreślu jašče raz: hety matč byŭ pakazalnym va ŭsich sensach, — kaža Piatro Kačura. —
Ja pavažaju žančyn i pavažaju žančyn u futbole. Ja dumaju, što žančyny mohuć adnolkava dobra i hrać na pijanina, i hulać u futboł».
«A žanočyja čempijanaty śvietu pa vidoviščnaści ni ŭ jakim razie nie sastupajuć čempijanatam mužčynskim. Adzinaje, što ja pa sabie viedaju, što futboł — heta vielmi baluča, sam trojčy za futbolnuju karjeru byŭ pry śmierci, tamu vielmi bajusia i pieražyvaju, kali dziaŭčaty traŭmujucca na futbole», — padsumavaŭ Piatro Kačura.
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy2
Kamientary