Alaksandr Šakucin — bratu ŭ sudzie pa spravie miedykaŭ: Ja z taboj, ty sumlenny čałaviek

U paniadziełak u Minskim haradskim sudzie pačaŭsia praces nad 21 fihurantam kryminalnaj spravy ab karupcyi. Siarod ich — hiendyrektar pradpryjemstva «Biełfarmacyja» Viačasłaŭ Hnicij, dyrektar Centra ekśpiertyz i vyprabavańniaŭ u achovie zdaroŭja Stalaroŭ i jaho namieśnik Zinčanka, piša kp.by.

Pavialičyć

Viadomy biznesmien Alaksandr Šakucin, staršynia rady dyrektaraŭ «Amkadora», pryjšoŭ padtrymać adnaho z abvinavačanych — Siarhieja Šakucina, svajho małodšaha brata. Trymajučy ruku na hrudziach, biznesmen z sumnym tvaram hladzieŭ u «kletku», dzie siadzieŭ brat, — vidać było, što jon vielmi pieražyvaje.

Siarhieja Šakucina abvinavačvajuć pa č. 2 artykuła 431 za daču chabaru. Maksimalnaje pakarańnie, jakoje jamu pahražaje, — 7 hadoŭ pazbaŭleńnia voli.

Padčas pierapynku Alaksandr Šakucin pahavaryŭ z žurnalistami.

— Vy nie hublajecie aptymizmu, — zaŭvažyli žurnalisty.

— Napeŭna, luby čałaviek, jaki ŭ niešta vieryć, nikoli nie hublaje aptymizmu. Samaja apošniaja sprava — stracić aptymizm i vieru.

— Vam nie kryŭdna, što vaš brat — adziny z pradstaŭnikoŭ biznesu, jaki znachodzicca za kratami? Usie astatnija pad chatnim aryštam.

— Viedajecie, kryŭda — heta samaje apošniaje, što jość u čałavieka. Jość zakon.

— Vy vierycie, što brat nievinavaty?

— Absalutna. Ja nie mahu sudzić — ja nie viedaju materyjały spravy. Mnie składana niešta kazać: vinavaty, nie vinavaty. Heta kvalifikacyja suda, nie maja. Adzinaje, što mahu skazać, — što moj brat ź dziacinstva byŭ zaŭsiody sumlennym, adkrytym i dobrazyčlivym. Nikoli nikomu zła nie zrabiŭ u hetym žyćci. Heta ja dakładna viedaju, — hołas u biznesoŭca dryžyć.

— A jak vy padtrymlivajecie svajho brata?

— Padtrymlivaju maralna, hledziačy jamu ŭ vočy ŭsiaho tolki.

— A vam davali spatkańnie z bratam?

— Nie.

Sychodziačy z zali suda, Šakucin paviarnuŭsia da brata:

— Ja z taboj. Ty sumlenny čałaviek, ja heta viedaju.

Pavialičyć

Pa słovach žančyn, jakija pryjšli ŭ sud u jakaści słuchačoŭ, jany raspaviali, što pryjechali padtrymać svajho kalehu — dyrektara kampanii «Iskamied» Siarhieja Šakucina.

Pavialičyć

— Pryjechaŭ amal uvieś kalektyŭ. Nas šmat — ja dumaju, što nie mienš za 100 čałaviek, — kažuć žančyny. — Chtości staić na leśvicy ŭ kalidory. Šakucin vielmi cudoŭny čałaviek. Jon usim dapamahaŭ.

Abaronca Siarhieja Šakucina paprasiła ab zakrytym sudovym pasiadžeńni. Sud pryniaŭ rašeńnie chadajnictva «častkova zadavolić». Abaronca taksama paprasiła vyzvalić z-pad varty Šakucina.

— Za adzin hod i dva miesiacy ŭtrymańnia pad vartaj stan zdaroŭja našaha padabaronnaha rezka pahoršyŭsia, abvastrylisia chraničnyja zachvorvańni,— kaža abaronca. - Šakucin pakutuje na šerah chraničnych zachvorvańniaŭ, jakija patrabujuć indyvidualnaha padychodu …

Pavodle jaje słoŭ, u Šakucina pačalisia prablemy z arteryjalnym ciskam. Jon doŭhi čas pakutuje na biassońnicu, hałavakružeńnie, adčuvaje mocnyja hałaŭnyja boli. Pahoršyŭsia u biznesoŭca i zrok.

Šakucin admoviŭsia ad dačy pakazańniaŭ padčas śledstva, ale, jak śćviardžaje abaronca, maje namieru davać pakazańni ŭ sudzie.

Pa słovach advakata Šakucina, siońnia bolš za pałovu supracoŭnikaŭ pryjšli padtrymać svajho kiraŭnika ŭ budynak suda.

— Heta śviedčyć pra toje, što Siarhiej Ivanavič źjaŭlajecca biezdakornym kiraŭnikom. I dastojny indyvidualnaha padychodu da svajoj asoby …

• 0
• 0
• 0
• 0
• 0
• 0
• 0
• 0