Kamieruniec 7 hadoŭ vandravaŭ z falšyvym pašpartam. Papaŭsia tolki ŭ Biełarusi
Biełaruskija pamiežniki zatrymali ŭ aeraporcie pry afarmleńni avijarejsu «Stambuł — Minsk» zamiežnika z padroblenym pašpartam, paviedamlaje Dziaržpahrankamitet.
Pry rehistracyi mužčyna pradjaviŭ dakumient hramadzianina Čyli, adnak śpiecyjalisty zapadozryli falšyŭku. Vyśvietliłasia, što z padroblenym dakumientam padarožničaje 45-hadovy ŭradženiec Kamieruna. Da sustrečy ź biełaruskimi pamiežnikami z hetym dakumientam jon pierasiok miežy dziesiaci krain.
Z 1998 hoda mužčyna vučyŭsia ŭ adnym z maskoŭskich instytutaŭ, ale ŭ 2001 hodzie jaho adličyli za prahuły. Na afrykanski kantynient były student viartacca nie zachacieŭ i zastaŭsia ŭ Rasii nielehalna. Praź dziesiać hadoŭ jaho zatrymali i departavali z zabaronaj ujezdu ŭ krainu na piać hadoŭ. U 2012-m mužčyna pierajechaŭ u Čyli pa čužym pašparcie, dzie nabyŭ novy padrobleny dakumient. Zatym na praciahu siami hadoŭ z falšyvym paśviedčańniem asoby hramadzianina Čyli pabyvaŭ u Arhiencinie, Mieksicy, Francyi, Ispanii, Maroka, Taho, Hviniei, Hańnie, Kanadzie i Rasii. Hety fakt paćviardžajuć vizy i adznaki ab pierasiačeńni miažy.
Za vykarystańnie padroblenaha dakumienta mužčynu pahražaje kryminalnaja adkaznaść u vyhladzie abmiežavańnia voli na termin da dvuch hadoŭ.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»16
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary