Asnoŭny rynak biełaruskaj jałavičyny — Rasija (84,4% ad usiaho abjomu ekspartu). Pry hetym pastaŭki ŭ RF u paraŭnańni z I paŭhodździem 2018 hoda źnizilisia na 38,4% da 32,57 tys. t, a ŭ vartasnym vyražeńni na 39,9% da 119,15 młn dołaraŭ. Adbyłosia heta ŭ asnoŭnym z-za zabarony Raśsielhasnahladu na ŭvoz u Rasiju nieabvalenaj jałavičyny. Pastaŭki tuš i paŭtuš skaracilisia amal na 20% da 749 t, nieabvalenych adrubaŭ — udvaja da 21,9 tys. t. U toj ža čas, ekspart abvalenaha astudžanaha miasa ŭ RF vyras na 27,6% da 9,9 tys. t.
Pa vynikach studzienia-červienia vyraśli i adhruzki na ekspart zamarožanaj jałavičyny: na 17,2% da 24,6 tys. T. Abo, kali ličyć u hrošach, na 2,1% da 79 młn dołaraŭ. Dola Rasii ŭ ahulnym abjomie ekspartu — 81,6%. U cełym ekspart zamarožanaj jałavičyny ŭ Rasiju za I paŭhodździe vyras u abjomach na 9% da 20,09 tys. t, ale z-za padzieńnia koštaŭ na miasa ŭ vartasnym vyrazie skaraciŭsia na 6,4% da 65,2 młn dołaraŭ.
Adznačym pośpiechi ZED Minsielhascharča i na inšych rynkach. Ekspart zamarožanaj jałavičyny za miežy SND vyras u 3,1 razy da 1,17 tys. t. Pry hetym u Kitaj było pastaŭlena 950 ton na 3,98 młn dołaraŭ. U abjomach ekspart u KNR vyras u 13, a ŭ hrošach — u 12 razoŭ.
Ekspart śvininy pa vynikach šaści miesiacaŭ taksama vyras: u 2,3 razy da 1129 ton. U vartasnym vyražeńni rost skłaŭ 2,8 raza da 2,9 młn dołaraŭ. Amal usiu śvininu (1109 ton) adhruzili ŭ Rasiju.
Ekspart miasa i charčovych subpraduktaŭ ptuški vyras na 1,8% da 82,9 tys. t. U hrošach jon pavialičyŭsia na 9,1% da 128,3 młn dołaraŭ. Na rynak RF pryjšłosia 81% ad abjomu pastavak — 67,22 tys t. Heta na 2,7% mienš, čym za anałahičny pieryjad 2018 hoda. Pry hetym u hrošach ekspart na rasijskim napramku vyras na 3,4% da 105,93 młn dołaraŭ. U Kitaj było adhružana 3,8 tys. t. na sumu 8,37 młn dołaraŭ. Utraja — 1 097 t. — vyraśli pastaŭki biełaruskich subpraduktaŭ u Hankonh.
