Padčas navučańnia ŭ škole treba, nie hublajučy času, atrymlivać maksimum viedaŭ. Pra heta Alaksandr Łukašenka zajaviŭ padčas naviedvańnia novaj siaredniaj škoły №93 Minska, piša BiełTA
«Kali vy chočacie być kankurentnymi ŭ žyćci, pry ŭsioj składanaści, niežadańni časam vučycca, ciažkaści adukacyi treba siabie prymusić choć by prystojna skončyć škołu i atrymać viedy», — padkreśliŭ kiraŭnik dziaržavy.
Jon adznačyŭ, što biez dobraj adukacyi i, hałoŭnaje, viedaŭ stać paśpiachovym u dalejšym žyćci budzie niemahčyma. Patrabavańni da śpiecyjalistaŭ va ŭsich śfierach dziejnaści nastolki pavialičylisia, što bieź viedaŭ nie ŭładkuješsia ni na pradpryjemstva, ni ŭ kałhas.
— Rabočy — heta ŭžo niaprosta, heta novaja technika, vielmi składanaja. I heta ja asabliva dobra baču ŭ sielskaj haspadarcy. Kali raniej tut moh pracavać toj, chto nikomu nie patrebny byŭ u pramysłovaści, dzie ŭvohule možna było — viły, rydloŭku ŭ ruki i pracuj. Siońnia takija rabočyja ŭ sielskaj haspadarcy ŭžo nie patrebnyja, - praciahnuŭ Łukašenka.
— Maja vam parada (nie budu kazać «vučycca, vučycca i jašče raz vučycca»): vaźmiecie maksimum viedaŭ i vyznačyciesia, čym vy budziecie zajmacca paśla škoły, — skazaŭ jon.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary