White House
Amierykanski lidar Donald Tramp raspavioŭ u paniadziełak ab deficycie bojeprypasaŭ u Złučanych Štatach u samym pačatku jaho prezidenctva ŭ 2017 hodzie, piša TASS.
Vystupajučy pierad prychilnikami ŭ štacie Ńju-Mieksika, kiraŭnik dziaržavy paviedamiŭ, jak u pieršyja tydni jaho znachodžańnia ŭ Biełym domie ministr abarony Džejms Mecis zajaviŭ jamu: «Ser, u nas vielmi mała bojeprypasaŭ». «Heta žudasna!» — adhuknuŭsia Tramp.
«Ja nie vinavaču jaho, ja nikoha nie abvinavačvaju, ale jon mnie heta skazaŭ, bo my znachodzilisia ŭ peŭnaj situacyi z adnoj krainaj — ja nie budu kazać, ź jakoj — u nas, mahčyma, moh być kanflikt», — praciahnuŭ prezident, jaki taksama raspavioŭ hetuju historyju žurnalistam u Biełym domie ŭ paniadziełak.
«Ser, kali vy možacie, adkładziecie heta [kanflikt], bo ŭ nas vielmi mała bojeprypasaŭ», — pracytavaŭ prezident byłoha ministra abarony. Kiraŭnik vašynhtonskaj administracyi tady padkreśliŭ, što nie choča bolš nikoli čuć hetych słoŭ. «Nivodny prezident [ZŠA] nikoli nie pavinien čuć hetyja słovy: «U nas mała bojeprypasaŭ <…> Ja nikoli bolš nie chaču apynucca ŭ takim stanoviščy», — skazaŭ kiraŭnik Biełaha doma