14 vieraśnia ŭ adnym z Čykahskich pryharadaŭ — Maŭnt Prośpiekt (Mount Prospect) — meryja horada inicyjavała, arhanizavała i praviała mierapryjemstva pa aznajamleńni z etničnymi karaniami žycharoŭ pryharada — Celebration of Cultures 2019 (Śviatkavańnie kultur 2019).
Byli pradstaŭniki ad Francyi, Niamieččyny, Polščy, Indyi, Italii, Karei, Kosta Ryki i inš. Byŭ na mierapryjemstvie stoł i ad Biełarusi, što padrychtavała Biełaruskaja Hramada ŭ Čykaha. Biełaruski namiot apynuŭsia pamiž Narviehijaj i Rumynijaj.
Pryjemna zaznačyć, što biełaruski namiot byŭ siarod tych, da jakoha ŭvieś čas padychodzili i padychodzili ludzi. Šmat było takich naviedvalnikaŭ, kamu spačatku treba było pakazać kartu Jeŭropy. A byli i takija, što navat i stalicu Biełarusi viedajuć.
Padychodzili i siemjami: pakul dziciaci hulaje ź biełaruskimi lalkami, maci raskazvajuć pra hatoŭku bulby z hrybami, a baćka ŭvažliva razhladaje fotazdymki biełaruskaha zubra — jeŭrapiejskaha brata paŭnočnamarykanskaha bizona. Chtości samaaddana zajmaŭsia vycinankaj, a chtości — sprabavaŭ vymavić «Pryvitańnie!», «Cudoŭny dzień!» i «Žyvie Biełaruś!»
Ciaham dnia možna było paspytać tradycyjnyja stravy ad niamieckaj, mieksikanskaj, italjanskaj, polskaj kuchni; pahladzieć na nacyjanalnyja karejskija, jehipieckija, bałharskija, polskija, indyjskija tancy; pasłuchać havajskuju ŭkulele i łacinski džaz.
Na kulturnym mierapryjemstvie była i miascovaja palicyja, što sačyła za paradkam. Palismeny vitali naviedvalnikaŭ i žadali im dobraha nastroju. U kožnaha palicejskaha byŭ adkryty tvar, na formie byŭ bejdžyk ź imiem, proźviščam i asabistym słužbovym numaram. Kali dzieci prasili baćkoŭ zrabić fotazdymak z palicijaj, dyk palicejskija z zadavalnieńniem padtrymvali prośbu małych.
Zadavolenymi zastalisia i arhanizatary z vałanciorami, i naviedvalniki śviata. Udzielniki supołki Biełaruskaja Hramada ŭ Čykaha atrymali asabistyja padziaki ad naviedvalnikaŭ fiestyvalu ŭ formie šmatlikich kamplimientaŭ, što namiot ad Biełarusi atrymaŭsia adnym z samych cikavych i malaŭničych. Usio atrymałasia, značyć, biełarusy Čykaha buduć i na Śviatkavańni kultur 2020.
-
«Kučaravieńkaja, ź flejtaj»: Sieviaryniec raskazaŭ, pra ŭdzieł Maryi Kaleśnikavaj u Maładym froncie
-
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka
-
Pavieł Sieviaryniec raskazaŭ, što dumaje pra ahienta KDB u šerahach svajoj partyi Jaŭhiena Dudkina
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka11
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary