5 rečaŭ, jakich vy nie viedali pra vieniecyjanski karnavał
Minuła bolš za tryccać hadoŭ z dnia, kali vieniecyjanski maskarad staŭ viartacca na vulicy horadu, kab zrabicca adnym z najadmietnych vidoviščaŭ Jeŭropy. Sioleta jano pačałosia ŭ hetuju piatnicu i praciahniecca da 24 lutaha. Padajem 5 cikavostak, datyčnych karnavału.
1. Brend. Samy paznavalnaja karnavalnaja vopratka – Bauta: čorny płašč z daŭhim kryśsiom, kapialuš-trochvuhołka i biełaja, na ŭvieś tvar, maska. Bauta, mo, adzin ź pieršych prykładaŭ uniseksu, i padčas karnavału časam ciažka vyznačyć, chto heta pad maskaj: jon ci jana.
2. Karnavał i duče. U časy kiravańnia Musalini karnavał byŭ zabaronieny. Hetak była pierarvana zaviadzionka, jakaja amal bieź pierapynkaŭ isnavała ažno z CHIII stahodździa. Tolki pry kancy 70-hadoŭ minułaha stahodździa vieniecyjanski karnavał byŭ adnoŭleny.
3. Maskaroby. Vytvorcy masak u siaredniaviečnaj Vieniecyi ličylisia zvyčajnym ramieśnikami, i navat mieli svaju asobnuju hildyju z kankretnymi zakonami i abmiežavańniami.
4. Nie za našaj pamiaćciu. Sučasny karnavał – tolki karotkaja i, treba zaŭvažyć, kansiervatyŭnaja viersija staražytnych uračystaściaŭ. Karnavał, jaki ciapier ciahniecca 10 dzion, koliś doŭžyŭsia miesiac i supravadžaŭsia nie zusim prystojnymi harezavańniami i amal ničym nieŭtajmavanymi emocyjami.
5. Sapraŭdnaje abličča maskaradu. Isnuje 2 asnoŭnych viersii pachodžańnia tradycyi vieniecyjanskaha karnavału: Sacyjołahi ličać, što rytuał karnavału ŭźnik, kab dazvolić žycharam Vieniecyi choć raz na hod adyścisia ad suvorych haradskich zakonaŭ i strohaha ŭparadkavanaha tahačasnaha hramadstva. Historyki ž ličać, što maskarad uźnik praź siaredniaviečnyja kazino, jakija kvitnieli ŭ horadzie, bo maski dazvalali schavać asobu hulca i ŭtoić sapraŭdnyja emocyi spabornikaŭ.
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary