U sieradu premjer-ministr Vialikabrytanii pradstavić Jeŭrasajuzu novy płan pa vychadzie ź ES, piša RBK.
Pra heta premjer zajaviŭ u pramovie na štohadovaj kanfierencyi Kansiervatyŭnaj partyi.
«Siońnia ŭ Bruseli my pradstavim toje, što, na maju dumku, źjaŭlajecca kanstruktyŭnymi i razumnymi prapanovami, jakija dazvolać damahčysia kampramisu abodvum bakam», - skazaŭ jon.
Paśla abrańnia premjeram u lipieni Borys Džonsan sprabavaŭ znajści kansensus pa ŭmovach vychadu ź ES, adnak da hetaha času Łondan i Brusel nie pryjšli da pahadnieńnia. Baki, u pryvatnaści, nie damovilisia pra sposab zachavać prazrystaj miažu Paŭnočnaj Irłandyi (častka Złučanaha karaleŭstva) i Irłandskaj respublikaj (člen ES). U sieradu Džonsan nazvaŭ pryncypy, na jakich budzie hruntavacca jaho płan:
— na miažy Paŭnočnaj Irłandyi i Irłandyi nie źjavicca mytnych punktaŭ,
— damoŭlenaści pa miažy pavinny padtrymać palityki ŭ Paŭnočnaj Irłandyi,
— na terytoryi vostrava Irłandyja budzie stvorana adzinaja zona standartaŭ dla sielskahaspadarčych praduktaŭ i praduktaŭ charčavańnia,
— Złučanaje karaleŭstva całkam atrymaje niezaležnaść u handlovaj palitycy paśla vychadu ź ES.
Pa słovach Džonsana, jaho prapanova — kančatkovaja, i kali ŭ Bruseli jaje nie prymuć, to Brytanija moža vyjści ź ES biez pahadnieńnia.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami44
Kamientary